Slater Young
MAY mga valid reason naman pala kung bakit nagdesisyon si Slater Young na iwan na ang mundo ng showbiz makalipas lamang ang ilang taon.
Hindi nagtagal ang pananatili ng vlogger-entrepreneur sa larangan ng pag-arte matapos siyang tanghaling Big Winner sa “PBB: Unlimited” noong 2012.
Binalikan ng dating Kapamilya star ang naging journey niya sa “Pinoy Big Brother” nang makapanayam siya ni Karen Davila para sa kanyang YouTube vlog.
Personal na binisita ni Karen ang bahay ni Slater at ng asawa nitong si Kryz Uy sa Cebu at sa isang bahagi nga ng kanilang chikahan ay napag-usapan ang naging karanasan ng engineer-content creator sa Big Brother house.
Sabi ni Slater, nag-join siya sa PBB dahil, “I was working for my father that time and it kinda felt like a routine na lang.
“I go to the office and trabaho and then go home. I wanted to step out from my father’s shadow. That was the whole premise behind it,” ani Slater.
Pagpapatuloy niya, “I remember my mom was very mad at me and my dad, he wasn’t 100 percent with it.
“Sabi niya lang sa akin before going into PBB, ‘Remember that you always have a family here that if it does not work out for you, we’ll always take you back with open arms.’ So that gave me the confidence to say if this was for me or not,” dagdag pang chika ng dating aktor.
Sa tingin niya, bakit siya ang ibinoto ng madlang pipol bilang Big Winner, “I think partly it was because people saw me as a leader among the PBB housemates. Ako lagi ‘yung pinagkakatiwalaan. I feel like that was part of it.”
Nakapag-uwi ng P2 million si Slater matapos manalo sa “PBB” at halos ang kabuuan ng napanalunan niya ay idineposit niya sa bangko.
“Diretso bangko actually. I didn’t spend for anything except I just bought this watch. Nasa bangko lang very Chinese,” sabi ng celebrity dad.
Napakalaking bagay din daw para sa kanya ang pagsali sa nasabing Kapamilya reality show, “After that sobrang laki talaga ng improvement when it comes to self-confidence, when it comes to knowing na I have a capability pala to lead a team or to experience the showbiz field.
“Parang it was such an eye-opener for me. Being in Cebu, being in the engineering field all my life, parang may ganito pa lang different aspect to life.
“There’s people na someone like a Vice Ganda na mame-meet mo na very colorful. I don’t meet that everyday here in Cebu,” paliwanag pa niya.
At tungkol nga sa desisyon niyang iwan ang showbiz, “Feeling ko wala talaga akong depth of that skill set or the talent to actually be able to act, and sing, and dance.
“‘Yung ganyan lang. Parang hindi ko kultura. Parang it’s like against my grain or my upbringing. Nothing bad or good, it is just different.
“After PBB when I decided ayaw ko na mag-artista, I wanted to do something different so that’s with the whole construction thing. I was doing manufacturing of lightweight concrete, LiteBlock,” kuwento pa ni Slater Young.
https://bandera.inquirer.net/298613/kryz-uy-slater-young-magkaka-baby-no-2-na
https://bandera.inquirer.net/314697/liza-may-mas-matinding-dahilan-kung-bakit-gustong-magka-career-sa-us-paano-na-nga-kaya-si-enrique
https://bandera.inquirer.net/280834/slater-young-nabiktima-na-rin-ng-akyat-bahay-nagbigay-ng-home-security-tips
https://bandera.inquirer.net/293825/slater-trending-dahil-sa-korean-series-na-squid-game-carlo-nanghinayang-sa-naudlot-na-role