AKO po si Merly Diaz at kasalukuyan po na nagtatrabaho ng part time sa isang construction company sa San Jose del Monte. Sa ngayon po ay patuloy pa rin akong naghahanap ng trabaho at nagbabakasakali na matanggap lalo na po sa gobyerno dahil civil service eligible naman po ako. Sinubukan ko po na mag-aplay sa SSS pero ang sabi ay tatawagan na lang daw ako. Sinubukan ko rin po na mag-aplay sa DOLE sa kanilang main office sa Intramuros, Manila pero bakit po hinahanapan ako ng certification from Occupational safety office.
Sabi ng DOLE isa daw po eto sa kanilang requirements. Gusto ko po na itanong kung paano po ako matutulungan ng Aksyon Line dito at mayroon po bang umiiral na ganitong patakaran?
Gumagalang
Merly
REPY: Dear Merly,
Kung kayo po ay nag-apply bilang Labor laws Compliance Officer (LLCO), isa po sa mga requirements ay ang pagkakaroon ng Certificate of Completion para sa basic Occupational Safety and Health Training Course. Ito po ay isa sa mga mandatory, 40-hour courses na required para sa mga gustong maging safety officer at accredited safety practioner. Parte po kasi ng trabaho ng isang LLCO ay magsagawa ng safety and health audits sa mga kumpnaya, magbigay ng mga rekomendasyon at tulungan ang mga kumpanya na makasunod sa Occupational Safety and Health Standards.
Kung nais n’yo pong kumuha ng kursong ito, maari po kayong makipag-ugnayan sa aming tanggapan sa Tel. No. 924-2414. Ang kurso pong ito ay nagkakahalaga ng P3,500.
Maaari din po nin-yong kunin ang kursong ito on-line sa pamamagitan ng e-BOSH. Bumisita po kayo sa aming website: oshc.dole.gov.ph
Diana Joy G. Romero
Information Officer III
Occupational Safety and Health Center
Hangad ng Aksyon Line na buong puso namin kayong mapag-
lingkuran sa abot ng aming makakaya.
Kaya naman huwag kayong mag-atubiling sumulat sa Aksyon Line c/o Inquirer Bandera, MRP bldg., Mola St. cor. Pasong Tirad st., Makati City. Maaari rin kayong mag-email sa jenniferbilog@yahoo.com.ph. Serbisyo publiko sa AKSYON LINE. Kakampi mo! Maaasahan!