SA mahigit limang dekada niya sa mundo ng telebisyon at pelikula, itinuturing ng veteran actor na si Ronaldo Valdez ang serye nilang “2 Good 2 Be True” na isa sa pinaka-favorite niya.
Ayon sa premyadong aktor, bukod sa super sikat ngayon ang programa, nagkaroon din daw siya ng pangalawang pamilya sa “2 Good 2 Be True” kung saan gumaganap siya bilang si “Lolo Sir.”
In fairness, hindi lang ang lead stars ng serye na sina Kathryn Bernardo at Daniel Padilla ang inaabangan ng mga manonood sa bawat episode nito kundi pati na rin si Ronaldo.
“Almost everybody outside calls me ‘Lolo Sir’! It’s flattering. That means they’re involved with the show. They identify. It feels good,” ang pahayag ng 74-year-old na aktor sa panayam ng ABS-CBN.
Puring-puri rin ng viewers ang akting ng veteran star sa serye ng KathNiel, “I don’t have a technique naman, e. I guess I immerse myself in the story, in the role. It’s really a big help na ang ganda-ganda ng script nito, especially ‘yung mga lines. The scenes are easy to do kasi you feel the situation.
“Aside from the lines and the scenes na medyo malalim, may drama, at the same time meron ding mga cute, kilig moments especially with the two. Sila KathNiel, nakakakilig sila panoorin,” aniya pa.
Natutuwa rin ang beteranong aktor dahil sa tagumpay ng “2 Good 2 Be True”, lalo na sa pagiging number one nito sa streaming service na Netflix.
Sabi ni Ronaldo tungkol dito, “Siyempre, meron kang feeling of fulfillment, na okay ‘yung ginagawa ninyo, ‘yung trabaho niyo, it’s appreciated. Masarap ang feeling. Hindi naman dumarating doon sa, ‘Hay naku, ewan ko, wala na akong pakialam diyan.’ It’s always a nice feeling.”
Patuloy pa niyang pahayag sa nasabing panayam, “I feel so blessed because up to now I’m still active. I’m really thankful na I still get to do this job that I really love I think for more than five decades, and I still get to work with fantastic actors.”
“This show is really, for me, one for the books. Ang saya. It’s my second family. The work doesn’t feel like work. Para lang kaming nag-i-excursion. Napaka-nice ng mga tao rito.
“I could even say na spoiled ako, e. I’m showered with food and love and affection. It’s really one big happy family. Even the work feels light, kasi nga brilliant actors ang mga kasama so madaling mag-interact within the scene.
“Napakasarap kasama ni Kathryn. She’s such a nice, sweet, young girl, tapos ang galing-galing pa, so ano pa? Si Daniel, I don’t know why, parang real lolo and apo kami, e. Sometimes we are enjoying our break. Istrikto sa akin ‘yan, e. He’s concerned about my health,” chika pa ng showbiz icon.
Ang “2 Good 2 Be True” ay sa direksyon ni Mae Cruz-Alviar.
https://bandera.inquirer.net/301171/look-kathryn-sobrang-saya-makatrabaho-si-ronaldo-valdez
https://bandera.inquirer.net/311240/loyal-kathniel-fans-na-may-mga-trabaho-at-anak-na-nag-sorry-kina-kathryn-at-daniel-bakit-kaya
https://bandera.inquirer.net/283828/hiling-ni-nikki-valdez-mabibiyayaan-pa-ng-1-anak