Sandara Park
TINAMAAN ng COVID-19 ang Korean actress at K-Pop idol na si Sandara Park o mas kilala ngayon bilang si Dara.
Nagpositibo sa virus ang dating Kapamilya star base sa ulat ng Korea media outlet na YTN na inilabas kahapon, August 24.
Dahil dito, napilitang kanselahin ng kampo ni Sandara ang lahat ng kanyang commitments at natanguang events para sumailim sa self-quarantine.
Sa kanya namang official Twitter account, kinumpirma ni Sandara na nahawa nga siya nga COVID-19 at nakaranas ng pananakit ng katawan at panginginig.
Aniya sa kanyang tweet na nasa Korean language, “I was resting quietly and recovering, but the article went out.
“I’m so sorry that all of this week’s schedule was delayed.
“Don’t worry guys~I was a little sick with body aches & chills only on the first day, now only my neck hurts. Voice has become strange…it will recover!
“I have to take medicine, so I have to eat all three meals a day, so I eat better than usual,” pahayag ng Korean star.
Sunud-suno naman ang natanggap na mensahe ni Sandara mula sa kanyang Filipino at Korean supporters sa social media matapos ngang ibalita ang tungkol sa kanyang health condition.
Halos lahat ng nag-comment sa Twitter post ng former 2NE1 member ay nagsabing ipagdarasal ang kanyang mabilis na paggaling.
Bukod kay Sandara, ang iba pang K-pop star na nagpositibo sa COVID-19 ay sina Sunny ng Girls Generation, Jihyo ng Twice, Mingyu ng Korean group na Seventeen, at ang singer soloist na si Kang Daniel.
https://bandera.inquirer.net/312045/sandara-minahal-ang-pinas-sa-isip-sa-salita-at-sa-gawa-vhong-madalas-umihi-kaya-nagpalagay-ng-cr-sa-sasakyan
https://bandera.inquirer.net/320315/sandara-park-may-pa-surprise-kay-lolit-solis-please-get-well-soon-para-magkita-tayo-ulit-sa-korea
https://bandera.inquirer.net/317503/donny-belle-may-bonggang-project-sana-abroad-pero-naudlot-magkasamang-lilipad-patungong-us-para-sa-star-magic-tour