Regine Velasquez at Ogie Alcasid
MARAMING na-touch at nakiiyak sa naganap na birthday celebration ng Ultimate Singer-Songwriter na si Ogie Alcasid kahapon sa “ASAP Natin ‘To” ng ABS-CBN.
Nagkaroon ng advance birthday tribute para sa actor-TV host sa Sunday noontime concert ng Kapamilya network para sa ika-55 taon niyang kaarawan.
Hindi napigilan ni Ogie ang maging emosyonal habang kinakanta ang sarili niyang composition na “Pangarap Ko Ang Ibigin Ka” kasama ang asawang si Regine Velasquez.
Sa katunayan, hindi na niya halos makanta ang ilang lyrics ng isa sa kanyang hit classics pero nag-cheer sa kanya ang mga kasamahan sa show na kayang-kaya niyang tapusin ang song.
Ayon kay Ogie, medyo nawala lang siya sa bahaging yun ng kanilang production number dahil sa kanyang wifey na si Regine at talagang hindi na niya mapigilan ang sarili na mapaluha.
“In the 55 years that I’d be living here on earth, my biggest companion was music. Through my ups and downs, it’s always been (music). But what brought music was you (sabay baling kay Regine),” pahayag ni Ogie.
Aniya pa, “I know it’s my birthday. But you see, when I married you (Regine), when we got married, when the Pastor said ‘You are gonna be one’, that’s how I feel.
“So, everything else that I celebrate in life, I celebrate with you. So, it’s our birthday. You are my birthday, you are my birthday,” pahayag pa ng award-winning singer-songwriter.
Reaksyon naman ng Asia’s Songbird sa madamdaming mensahe ni Ogie na kasama rin ang anak nilang si Nate, “I am your number one fan. You are such a blessing to me.”
Dagdag pang pahayag ni Regine, “Last night, I was telling him, ‘I cannot imagine my life not having you.
“I’d probably be an old maid. So thank you for marrying me. I cannot imagine being with anyone else but you,” sey pa ni Regine.
Pinasalamatan din ng Songbird ang kanyang mister na araw-araw siyang pinatatawa kahit na may mga pagsubok at problema silang pinagdaraanan.
“Every day is not just an adventure but there’s also peace in my life because I have you. I love you so much. Thank you,” mensahe ni Regine kay Ogie.
https://bandera.inquirer.net/308920/ogie-naging-kawawa-raw-nang-pakasalan-si-regine-nabawasan-nga-ba-ang-kasikatan
https://bandera.inquirer.net/310549/regine-bumanat-sa-mga-magnanakaw-sa-socmed-pasabog-ang-birthday-message-kay-kim
https://bandera.inquirer.net/310513/piolo-regine-ibinandera-na-ang-tunay-na-kulay-ang-totoong-unity-ay-pagkakaisa-ng-taong-bayan-filipino-para-sa-kapwa-filipino