MUKHANG bagot na bagot na ang Hashtags member na si Nikko Natividad kaya naisipan niyang gayahin ang swimsuit photo ni Elisse Joson.
Noong Lunes, August 1 ay ibinandera ni Elise ang kanyang larawan sa Instagram kung saan nakasuot ito ng yellow one piece swimsuit habang nagbabakasyon ito sa isang kilalang hotel sa Metro Manila.
Kaya naman hindi nagpakabog si Nikko at pinantayan ang ka-sexyhan at kagandahan ng girlfriend ng kanyang co-member sa Hashtags at malapit na kaibigan na si McCoy de Leon.
Makikita sa larawan na nakasuot rin ng one piece swimsuit ang actor-comedian na pagmamay-ari pala ng kanyang asawa na si Cielo Eusebio na medyo hawig sa suot ni Elisse.
Maging ang alak ay may sariling version din si Nikko dahil kung may cocktail drink si Elisse ay beer naman ang kanya.
“@mccoydeleon mamili ka? Kunwari lasing na lasing na kame ni @elissejosonn. Baket AKO ang iuuwi mo?” saad niya sa kanyang caption.
Agad namang sumagot ang kaibigan at sinabing si Nikko sana ang pipiliin niya pero may napansin siyang iba.
“Ikaw sana kaso nakita ko may nakatayong tissue,” pabirong sagot ni McCoy.
Reply naman ni Nikko, “Ayaw mo nun. Pwede tayong mag-role playing. Kunwari starwars.”
Maging si Elisse ay hindi nagpahuli at nag-comment rin sa panggagaya sa kanya ng Hashtags member.
“Gusto ko magsalita ng masasamang words nikko!!!!!!!!” sey ng mommy ni Felize.
Maging ang iba pa nilang kasamahan sa industriya ay talaga namang naaliw at natawa sa ginawang kalokohan ni Nikko.
“Hahaha! Nyeta ka!” natatawang comment ng beteranang aktres at ninang nila sa kasal na si Sylvia Sanchez.
Sagot naman ni Nikko, “Ninang kamuka ko po ba kayo nung kabataan?”
“Na tibo ako sayo hahaha! Ayoko maging bias @elissejosonn pero parang kay Nikko ang boto ko HAHAHAHAHA,” sey naman ng social media influencer na si Krissy Achino.
Maging ang mga netizens ay aliw na aliw sa ginawa ng actor-comedian at may mga comments rin na nagsasabing binuo raw nito ang kanilang mga araw.
Related Chika:
Nikko Natividad umamin: Naging greedy ako, naghangad ng maraming pera
Nikko: Magkaiba kame ng ibobotong presidente ng asawa ko pero may nangyayare pa ren samen gabe-gabe…
Netizens na-shock, nabastusan sa pa-survey ni Nikko; pero marami pa ring nag-join
Hashtag Nikko kinampihan si Arjo: Ate masama magpakalat ng fake news baka magsara ang…