Herlene Budol humakot ng special awards sa Bb. Pilipinas 2022; Gabriel Basiano tinuhog ang Best in Evening Gown at Best in Swimsuit
Gabriel Basiano at Herlene Budol
“HAKOT Queen” ang Kapuso star na si Herlene Nicole Budol sa ginaganap ngayong grand coronation night ng Binibining Pilipinas 2022 pageant.
Halos lahat kasi ng special awards ay napanalunan ng komedyana at aspiring beauty queen kaya naman ilang beses siyang pumagitna sa stage ng Araneta Coliseum.
Wagi si Herlene bilang Bb. Shein, Ms. Pizza Hut, Ms. Kumunity, Jag Queen, Miss Silka, Bb. Kumu at Bb. World Balance.
View this post on Instagram
Si Miss Tacloban City Chelsea Fernandez naman ang nanalong Bb. Ever Bilena habang wagi ng Bb. Moist Diane Shampoo si Miss Iloilo City Karen Mendoza.
Para naman sa Best in Swimsuit at Best in Evening Gown awards, ibinigay ang mga ito kay Gabriel Basiano ng Eastern Samar.
Ang iba pang nanalo ng special awards ay ang mga sumusunod: Best in National Costume Award, Graciella Lehmann, Binibini Talent, Ma. Isabela David, Face of Binibini, Yllana Marie Aduana, Binibini Friendship, Eissel Rosalita, at Binibini Philippine Airlines, Roberta Tamondong.
Pagkatapos ng swimsuit, gown at question and answer segment ay pipiliin na ang 2nd runner-up, 1st runner-up, Bb. Pilipinas International, Bb. Pilipinas Intercontinental, Bb. Pilipinas Globe at Bb. Pilipinas Grand International.
#PakGanern: Bb. Pilipinas 2022 candidates kabugan ang laban sa pasabog na swimsuit photos
BB Gandanghari, Ogie Diaz nagkabati na nang magkita sa US: Nagyakapan kami, wala nang sorry-sorry
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.