Herlene Budol
PASOK sa Top 12 candidates ng Binibining Pilipinas 2022 pageant ang Kapuso comedienne na si Herlene Budol mula sa Angono, Rizal.
Sa kanyang mensahe sa wikang Tagalog, ipinagdiinan ng dalaga ang kahalagahan ng kulay ng mga Pinay — ang kayumanggi na siyang tunay na kumakatawan sa bawat mamamayang Filipino.
Ibinahagi rin ng dalaga ang kanyang mensahe tungkol sa natutunan niyang pagkakaisa para sa bansa na aniya ay natutunan niya kay Miss Universe Pia Wurtzbach.
Palakpakan at hiyawan naman ang audience sa Araneta Coliseum nang tawagin ang pangalan niya sa Top 12 at habang nagsasalita at nagbibigay ng mensahe.
Ang iba pang maswerteng nakapasok sa Top 12 ng Binibining Pilipinas 2022 grand coronation night ay ang mga sumusunod.
Miss Laguna Yllana Marie Aduana
Miss Nueva Ecija Diana Mackey
Miss Tarlac Jasmine Omay
Miss San Pablo, Laguna Roberta Tamondong
Miss Tacloban City Chelsea Fernandez
Miss Iloilo City Karen Mendoza
Miss Bataan Annalena Lakrini
Miss Batangas Anna de Mesa
Miss Cainta, Rizal Stacey Gabriel
Miss Cebu City Nicole Borromeo
Miss Eastern Samar Gabrielle Basiano
Sasabak ang Top 12 sa swimsuit, gown at question and answer segment at mula rito ay pipiliin na nga ang 2nd runner-up, 1st runner-up, Bb. Pilipinas International, Bb. Pilipinas Intercontinental, Bb. Pilipinas Globe at Bb. Pilipinas Grand International.
https://bandera.inquirer.net/308305/tracy-maureen-perez-pasok-na-sa-top-12-ng-70th-miss-world-miss-mexico-pinalakpakan-hiniyawan-nang-bongga
https://bandera.inquirer.net/288823/kisses-delavin-maureen-wroblewitz-pasok-sa-top-100-ng-2021-miss-universe