NAGDESISYON ang social media personality at dating “Pinoy Big Brother” housemate na si Madam Inutz na magpagawa ng kanyang ilong.
Sa kanyang Facebook account ay ibinahagi niya ang kanyang larawan kung saan makikita na may bandage ang ilong tanda na sumailalim ito sa rhinoplasty.
“OWWWW….JIIIIIEVA? KUNG KELAN TUMATANDA SI MADAM INUTZ N’YO AT NAIINLOVE!! NGAYON LANG DIN NATUTO MAGMAHAL NG SARILI AT NATUTO MAGPAGANDA!!” caption ng vlogger at social media influencer.
Pabirong dagdag pa niya, “PARA NAMAN MARANASAN KO YUNG MATAWAG AKONG HOT MAMASWANG.”
Umani naman ng samu’t saring komento ang ginawang pagpaparetoke ni Madam Inutz ng kanyang ilong.
“Ok lang baguhin ano pang part ng katawan mo kung deserve mo naman at kaya mo basta wag lang babaguhin yun ugali na mganda,” saad ng isang netizen.
Comment naman ng isa, “Sana all Madam inutz may kakayanan pa rhinoplasty! Mapapa sana all nlang tlga ako sa ngayon. Hehe love it! Love yourself nman syempre.”
“Matangos at maganda na yung ilong mo madam dati but anyway kung san ka masaya suportahan taka,” sey naman ng isa.
Sa kanyang vlog na in-upload noong July 26 ay ibinahagi niya ang kanyang journey sa pagpapagawa ng kanyang ilong.
“Huwag niyong mamasamain yung mga taong gusto nilang magpa-ayos ng kanilang mga hitsura. Siyempre dagdag [confidence] rin,”sey ni Madam Inutz.
Dagdag pa niya, “Hindi naman porket nagpagawa ka is hindi ka na kuntento sa kung ano man ang meron ka. Kumbaga gusto mo lang rin na mag-level up ka na.”
Amin niya, noon pa man daw ay pangarap na niya ang magpagawa ng kanyang ilong lalo na noong nagtatrabaho pa siya sa Japan.
Sinugurado naman niya na ilong lang ang babaguhin niya sa kanyang sarili ngunit mananatili pa rin ang kanyang dating ugali.
“Pinaganda ko ang sarili ko pero ang ugali ko at pagiging komedyante ay hindi magbabago,” paniniguro ng komedyante.
Related Chika:
Madam Inutz naaksidente, bagong sasakyan nawasak; nagbabala sa mga nagmamaneho ng lasing
Bakit ilang beses nang nagparetoke ng ilong at boobs si Kitkat?
Madam Inutz pinayagang mag-live kahit nasa PBB House para makatulong sa pamilya