Kristine Hermosa at Oyo Sotto
NAPURUHAN ang balikat ng aktor na si Oyo Sotto matapos maaksidente habang nagbibisikleta kamakailan.
Dahil dito, kinailangang operahan agad ang mister ni Kristine Hermosa para maagapan ang natamong injury dahil sa matinding impact ng bike accident.
Ibinalita ng anak ni Bossing Vic Sotto ang nangyaring aksidente kahapon sa pamamagitan ng kanyang Instagram account kalakip ang ilang litrato niya na kuha sa loob ng kanyang hospital room.
Ayon kay Oyo, nagpapagaling na siya sa ospital matapos sumailalim sa “arthroscopic AC joint reconstruction.”
Ayon sa isang health website, “AC joint is injured most often when one falls directly on the point of the shoulder. The trauma will separate the acromion away from the clavicle, causing a sprain or a true AC joint dislocation.
“In a mild injury, the ligaments which support the AC joint are simply stretched (Grade I), but with more severe injury, the ligaments can partially tear (Grade II) or completely tear (Grade III).
“In the most severe injury, the end of the clavicle protrudes beneath the skin and is visible as a prominent bump.”
Isa sa mga ipinost ni Oyo sa IG ay ang litrato nila ni Kristine na nagbabantay sa kanya sa ospital. Aniya sa caption, “God is good! Lord Jesus, maraming salamat, You’re the best, I love you!
“To my wife, I love you very much! Thank you for taking care of me. Iba ka talaga,” sabi ni Oyo.
Patuloy pa niya, “Keep safe everyone and God bless you all. Let’s not forget to thank the Lord in good and especially in bad times.”
Isa si Oyo sa mga kilalang celebrity bikers na regular na nagpo-post sa IG ng kanyang mga bike rides activities kasama ang kanyang pamilya.
Dingdong kinakarir ang ‘balik-alindog’ program; best investment ang biniling bike trainer
Pamilya ni Oyo hindi boto noon kay Kristine: Mataray daw, masama ugali pero kabaligtaran lahat
Raymond Gutierrez nakaligtas sa car accident: Happy to be safe, it could’ve been a lot worse