Sanya Lopez, Dominic Roque at Bea Alonzo
KNOWS n’yo ba kung ano ang isang quality ni Dominic Roque na talagang nagustuhan ng Kapuso award-winning actress na si Bea Alonzo?
Open na open na ngayon ang dalaga sa pagbabahagi ng ilang mahahalagang detalye tungkol sa kanyang personal na buhay, lalo na kapag pinag-uusapan na ang lovelife.
Sa latest episode nga ng showbiz podcast na “Updated with Nelson Canlas”, nagkuwento ang aktres tungkol sa mga katangian na nagustuhan niya sa kanyang boyfriend na aktor at negosyante at kung bakit siya na-in love rito nang bonggang-bongga.
Ayon kay Bea kung may isang ugali si Dominic Roque na talagang nagustuhan niya nang bonggang-bongga, yan ay ang pagiging secure nito sa lahat ng bagay. Never daw niyang nakitaan ng insecurity sa katawan ang binata.
“Actually, isa ‘yon sa mga pinakanagustuhan ko tungkol sa kaniya, he’s just not insecure at all. Parang, it takes a very confident man to let the woman shine and not compete with that ano… attention that she’s getting.
“It takes a mature and confident man and that’s what I like about him. He’s just not insecure, he does support me,” dagdag pang pahayag ng leading lady nina Alden Richards at Jeric Gonzales sa upcoming Kapuso series na “Start-Up.”
Last January, 2022, ipinagdiwang nina Bea at Dominic at kanilang first anniversary bilang magdyowa at parehong umaasa ang celebrity couple na mauuwirin sa kasalan ang kanilang pagmamahalan.
* * *
Sunud-sunod ang oportunidad na dumarating sa Kapuso star na si Sanya Lopez.
Matapos ang successful airing ng pinagbidahang primetime series na “First Lady,” may bagong pinagkakaabalahan ang magandang aktres dahil isa na siyang recording artist ngayon.
Inilunsad nitong July 15 ang kanyang first single under GMA Music titled “Hot Maria Clara” na tungkol sa modern Filipina empowerment.
Hindi niya binigo ang listeners dahil angat na angat ang maganda niyang boses pati na rin ang talento sa pagra-rap.
Napaka-catchy ng lyrics kaya hindi nakapagtataka na nag-debut agad ito sa #3 spot sa iTunes chart at napasama sa Spotify’s Fresh Finds Philippines playlist.
Pakinggan ang “Hot Maria Clara” sa lahat ng digital streaming platforms worldwide. Panuorin din ang music video nito sa YouTube channel ng GMA Music.
https://bandera.inquirer.net/290747/bea-kay-dominic-sobrang-inaalagan-niya-ako-pinagsisilbihan-hindi-nga-ako-sanay-e
https://bandera.inquirer.net/290588/daniel-dominic-nagkaproblema-dahil-sa-isa-pang-anak-ni-karla-estrada
https://bandera.inquirer.net/316655/direktor-ng-pinoy-version-ng-start-up-ikinumpara-sa-alak-si-bea-nasaksihan-ang-magic-ni-alden