Ang 4 sa mga napiling kalahok sa 2022 MBC Short Film Festival
IBINANDERA na ng Manila Broadcasting Company ang 15 pelikulang pumasok sa final round ng 2022 MBC Short Film Festival.
Sa larangan ng animation na hinusgahan nina Gary Thomas ng British Council, Fil-Canadian animation specialist Mars Cabrera, at game developer na si Miker Rivero, pumasok ang mga pelikulang “Ang Liwanag ng Bakunawa” ni Shem Domingo; “Guhit” ni Dionisio V. Bacudio III; “Bahay-Bound” nina Danica Sy at Andrea Castillo; “Proud” ni Are Jay Madrigal Peralta; at “CITSALP” ni Jean Evangelista.
Sa documentary films naman, pasok sa top five ng selection panel nina Sari Dalena ng UP Film Institute, Gawad Urian awardee Jewel Maranan, at Martin Macalintal ng French Embassy ang “Nasaaan Sila, Nasaan ang Virus” ni Ram Esteban Estael; “Ang Pagpakalma sa Unos” ni Joanna Vasquez Arong; “Lola Samiya, 109” ni Samer Sulaiman; “Kambalingan” ni Gio Gonzalves; at “Super-Able” ni Arjanmar Rebeta.
Mahigit 100 short features ang lumahok na sadyang nagpahirap sa mga huradong sina Nicole Luchengco Yulo, Don Josephus Raphael Eblahan at Khavn dela Cruz.
Ang mga napili ay ang “Beauty Queen” ni Myra Aquino; “Lorna” ni Noel Esconda; “Daluyong” ni Ervie Jay Torzar; “Haan Ta Mataengan nga Aggidan” ni Mike Cabarles; at “The Transfiguration of Marya” ni Jericho Rimando.
May guaranteed prize na tig-P20,000 ang 15 pelikulang pinalad, bagaman sa final round, back-to-zero ku.baga ang mga obra, kung saan ibang hanay ng mga batikang hurado ang pipili ng tatlong category winners na tatanggap ng tig-P100,000, at siya namang maglalaban para sa Grand Prix na may kabuuang premyong iuuwi na P220,000.
Ang MBC Short Film Festival ay natatanging handog ng Manila Broadcasting Company para sa ika-83 taon ng kanilang flagship station.
https://bandera.inquirer.net/283509/vice-pinagtripan-ang-mga-kasambahay-sa-tunog-lata-challenge-nabudol-ng-p10k
https://bandera.inquirer.net/292761/botohan-para-sa-aliwan-fiesta-digital-queen-umarangkada-na
https://bandera.inquirer.net/283333/jake-plano-talagang-pumasok-sa-politika-tulad-ni-erap-pero-biglang-nagbago-ang-desisyon