Piolo Pascual. Lovi Poe at Denise Laurel
TODO-TODO ang paghanga at ibinigay na papuri kay Lovi Poe ng mga kasamahan niya sa Philippine adaptation ng hit Korean drama na “Flower of Evil.”
Nagsimula nang ipalabas ang latest Kapamilya series last June 23 sa streaming app na Viu at napapanood na rin ngayon sa A2Z at Kapamilya Channel.
Ito ang kauna-unahang teleserye ni Lovi sa ABS-CBN at hindi nga niya napigilan ang sarili na mapaiyak at maging emosyonal sa naganap na presscon kamakailan kung saan inalala niya ang mga hindi malilimutang karanasan habang ginagawa ang programa.
Dito nga niya naikuwento ang pakikipag-usap niya sa cameraman at audioman na sina Kuya Adler at Kuya Fred na nagbigay ng lakas ng loob sa kanya noong mga unang araw ng kanilang lock-in taping.
“My first day on set was difficult, kasi all of a sudden I’m in a new environment. Everything’s new, everyone’s new.
“It was hard. And as the days went by, I wasn’t myself in the beginning. I was having such a hard time, but with the help of everyone, it felt great,” pag-amin ni Lovi.
Kasunod nito, pinuri nga ng kanyang co-stars ang aktres hindi lang sa galing nitong umarte at pagiging professional kundi sa husay nitong makisama.
“Siyempre it’s so intimidating to come into a place and you’re the new girl and then you’re the lead and you have a lot of responsibilities on your shoulders. (Lovi) carried, she didn’t complain,” ang emosyonal at maluha-luhang sabi ni Denise na super na-touch sa mga naging pahayag ni Lovi tungkol sa naging experience niya sa taping.
Sabi naman ng leading man ni Lovi na si Piolo Pascual, talagang na-excite siya nang malamang magkakaroon sila ng teleserye together.
Naalala pa niya nu’ng minsang magkita at magkausap sila noon sa Paris tungkol sa posibilidad na magkatrabaho sila one day.
“I was really excited kasi alam ko naman yung filmography niya, I’ve seen some of her stuff. Sabi ko ‘maganda yung commitment niya, maganda yung ibinibigay niya.’
“First day palang we already broke the ice. Lovi is one of the easiest na nakatrabaho ko na leading ladies,” ani Papa P.
Sabi naman ni Lovi nang finally ay nakatrabaho na niya si Piolo, “Now I get it why everyone is raving about Piolo. I always wanted to work with him because of his body of work, and his body. Ha-hahahaha!
“He sets his mind on taking care of himself. The energy he gives me in every scene, nadadala na ako. Gift ‘yun sa isang actor, ‘yung madaling makaramdam ng emotions,” aniya pa.
https://bandera.inquirer.net/316808/piolo-ingat-na-ingat-sa-shower-scene-nila-ni-lovi-sa-flower-of-evil-nag-enjoy-ako-bitin-nga-eh
https://bandera.inquirer.net/312367/bakit-kaya-may-reshoot-ang-teleserye-nina-papa-p-at-lovi-na-flower-of-evil
https://bandera.inquirer.net/316456/lovi-biglang-umiyak-sa-presscon-ng-flower-of-evil-hindi-malilimutan-ang-pakikipag-usap-sa-audio-man-at-cameraman