ISANG production team ang namomroblema ngayon dahil pinaalis sila sa location kung saan sila nagsu-shoot ng pelikula at ang rason ay dahil sumobra sila sa oras na umabot ng 26 hours.
Istrikto ang location sa oras ng shooting dahil ito raw ang mahigpit na bilin sa kanila na hanggang 14 to 16 hours lang talaga at hindi na puwedeng mag-extend.
Ito rin naman ang nasa aprubadong working hours ng IATF para sa shooting o taping ng pelikula at teleserye dahil nasa gitna pa rin tayo ng pandemya kahit lumuwag na ang mga health protocols.
Sinusunod naman ito ng mga taga-pelikula at telebisyon dahil isinasaalang-alang din nila ang kanilang mga production staff at mga artista para sa susunod na taping ay hindi sila mga lupaypay o ngarag.
Pero itong tinutukoy naming production team ay sinagad ang oras dahil may hinahabol daw na playdate.
Ang kaso hindi naman pala natapos kunan lahat ng eksena sa loob ng 26 hours na shoot at dahil pinaalis na sila sa location ay problemado ang producer at director dahil may continuity ito.
Iniisip nila kung paano dadayain sa ibang location ang mga nakunan sa unang location dahil mahahalata raw at pawang wide shots lahat ang kuha kahit nga big scenes lahat.
Habang isinusulat namin ang balitang ito ay hindi pa kami binabalikan ng aming source kung anong remedyo ang nagawa o gagawin ng production team sa malaking problema nila.
“Dapat kasi tapos na silang mag-shoot, e, sumobra na nga sila sa araw,” sambit ng aming source.
https://bandera.inquirer.net/285112/kilalang-aktor-tinanggihang-makasama-sa-pelikula-ang-magaling-na-komedyana
https://bandera.inquirer.net/294780/bine-baby-hugot-post-ni-kc-patutsada-nga-ba-kay-mega
https://bandera.inquirer.net/291607/payag-ka-ba-na-bakunado-lang-ang-pwedeng-manood-kapag-nagbukas-na-uli-ang-mga-sinehan