Gabbi Garcia at Khalil Ramos
WALANG issue kay Khalil Ramos ang pagsusuot ng sexy OOTD ng kanyang girlfriend na si Gabbi Garcia.
Ayon sa Kapuso actor-singer, hindi kailanman naging big deal sa kanya kung magsuot man ng mga revealing dress si Gabbi dahil alam niyang kailangan din ito sa kanilang trabaho bilang mga artista.
Pahayag ni Khalil sa panayam ng “Unang Hirit”, “Ako, sa kanya, I always told her whatever makes you feel comfortable, go! Just rock your outfit kung ano man feel mo, what makes you happy.”
Tungkol naman sa usapin ng pagbabayad ng kanilang mga dates, inamin ng binata na hati pa rin sila ni Gabbi sa pagbabayad dahil pareho naman silang may work.
“Sa experience namin, nu’ng panliligaw stage pa lang, I shouldered the dinners pero when we started being committed to each other na, always half,” ani Khalil.
Hirit naman ni Gabbi, “That’s our rule. We split the bill ’cause I’m working, he’s working, so it’s fair enough that we split the bill.”
Sa nakaraang virtual mediacon naman ng bagong teleserye nila sa GMA, ang “Love You Stranger” natanong ang celebrity couple kung paano nila napapanatili ang kanilang solid na pagsasama.
“I think it’s because best friends talaga kami. Super magkatropa kami, we hang out and we love doing things together,” ani Khalil.
“Best friends kami, eh. Sobrang tropa kami and everybody knows that. Sometimes, we just really hang out and not go on a romantic date. We just love doing things together,” sabi naman ni Gabbi.
“Fall in love with your best friend, ‘yan ang secret,” ang hirit pa ni Khalil.
Samantala, mapapanood na simula sa June 6 ang kanilang primetime series na “Love You Stranger” na one year in the making. Ito ang papalit sa “Mano Po Legacy”.
“Na-delay ang production because of the pandemic. But we assure you, it’s worth the long wait. We’re all proud of this, love story, mystery thriller set in the town of Santa Castela that has many secrets for you to discover.
“All of us in the cast and the production gave our 101 percent to make sure viewers will like it,” sabi ni Gabbi.
Ano ang advantage na makatrabaho ang kanyang boyfriend? “We’ve been on for five years so kabisado na namin ang isa’t isa, ang aming work ethic.
“The story of ‘Love You Stranger’ is so mabigat, mahirap gawin ang mga eksena, so doon na-test talaga ang pagtutulungan namin as co-actors. Mahirap yung script for me, so without him, I’d be at a loss.
“He helped me a lot in developing my character while we’re on lock in taping out of town,” kuwento pa ng dalaga.
Makakasama rin nila sa serye sina Carmi Martin, Tonton Gutierrez, Gil Cuerva, Dindo Arroyo, Kim de Leon, Lexi Gonzales, Maey Bautista, Alex Medina, Andrea del Rosario, Bodgie Pascua, Ces Quesada, Soliman Cruz at Lui Manansala.
Mapapanood na ang “Love You Stranger” simula sa June 6, 9:35 p.m. pagkatapos ng “Bolera”.
https://bandera.inquirer.net/290793/gabbi-ghinost-si-khalil-noon-para-makipagbalikan-sa-ex-boyfriend
https://bandera.inquirer.net/299076/love-on-air-nina-khalil-at-gabbi-trending-sa-socmed-gabli-fans-pinainit-ang-twitter
https://bandera.inquirer.net/280400/jak-kontra-sa-pagsusuot-ni-barbie-ng-sexy-ootd-mas-simple-mas-maganda