Kylie Padilla at Aljur Abrenica
DIRETSAHANG inamin ng Kapuso actresz at “Bolera” lead star na si Kylie Padilla na may bago nang lalaki sa kanyang buhay.
Ayon sa estranged wife ni Aljur Abrenica, totoong nakikipag-date na siya ngayon at wala naman das siyang nakikitang masama kung sakaling magkaroon uli siya ng lovelife.
Sa panayam ng “Updated with Nelson Canlas” kay Kylie natanong siya kung kumusta na ang kanyang puso at buhay-pag-ibig.
Sagot ng Kapuso star at celebrity mom, “Yes, I am dating.” Pero tumanggi muna siyang magbigay ng ibang detalye about the guy, “Ayoko pa talagang sabihin ‘to.”
Nali-link naman ngayon ang nakahiwalay na asawa ni Kylie na si Aljur kay Vivamax star AJ Raval pero hanggang ngayon ay hindi pa lantarang umaamin ang rumored couple.
Ang palaging sinasabi ni AJ ay nasa getting-to-know-each-other status pa lang sila ni Aljur pero totoong super close na sila. Hindi rin daw nila itatago sa publiko kung sakali mang maging sila.
Sa isa niyang social media post, nag-react si Kylie sa relasyon umano nina Aljur at AJ, “Guys there is no issue. We separated April pa and we have already mutually agreed to date other people.
“Please stop dragging other parties into this. I have no intention of disclosing anymore of what happened because I want to cherish the littlest ounce of privacy I have left,” aniya pa.
Samantala, nabanggit naman ni Kylie na very open siya sa pagkakaroon ng blended family with Aljur and their children. Wala raw issue sa kanya ang pagkakaroon din ng aktor ng bagong pamilya.
“I’m very welcoming up with open arms, kasi kung pure naman ‘yong love sa amin, everybody and his side din, bakit hindi ‘yon naman importante for taking care of each, loving each other and accept each other.
“Why not? Bakit pa tayo magdya-judge,” pahayag pa ni Kylie.
Pero mariin niyang sinabi na walang-wala pa sa isip at puso niya ang magpakasal uli, “Malayo pa ‘yun.’Wag na muna, i-eenjoy ko pa.”
Matatandaang ikinasal sina Kylie at Aljur noong 2018 at biniyayaan ng dalawang anak, sina Axl and Alas Abrenica.
https://bandera.inquirer.net/312385/kylie-padilla-inatake-ng-matinding-sepanx-matapos-magpaalam-sa-lock-in-taping-ng-bolera-i-was-heartbroken
https://bandera.inquirer.net/314203/kylie-jaclyn-jak-gardo-may-kanya-kanyang-kuwento-ng-pambobola-pero-si-tsong-joey-may-swabeng-hirit
https://bandera.inquirer.net/314301/jaclyn-jose-puring-puri-si-kylie-padilla-shes-not-suplada-sobrang-ang-sarap-niyang-maging-anak