Ogie Alcasid, Regine Velasquez at Sharon Cuneta
IBANG level na talaga ang friendship ng Kapamilya superstars na sina Megstar Sharon Cuneta at Asia’s Songbird Regine Velasquez.
Ibinahagi ni Shawie sa isang interview kung bakit bumibilang na ng maraming taon ang pagkakaibigan nila ni Regine pati na ng asawa nitong si Ogie.
Ito’y kahit pa nga hindi sila madalas nagkikita at personal na nagkaka-bonding, lalo na noong kasagsagan ng COVID-19 pandemic.
“Kasi ang bahay niya, parang kapag nagpunta ako at kapag nagpunta siya sa bahay ko parang excursion dahil sa traffic. Quezon City siya, ako Makati.
“Kami ni Regs, although yun na nga, may kalayuan yung mga bahay namin, hindi kami nawawalan ng communication.
“Kahit hindi every day or every week, kasi pag nag-love ka ng tao tapos sinuklian ka tapos nakita mo lalo yung pagkatao, lalong lumalalim. Lalo siyang napapamahal sa akin as times goes by,” pahayag ni Mega sa nasabing panayam.
Aniya pa, “Feeling ko kahit hindi na kami kumakanta at may apo na kami, yung parang feeling ko magkikita pa rin kami kapag birthday ni Nate or birthday niya, ganu’n. Ako gusto kong maging part ng family nila kasi pati si Ogie.”
Sey pa ni Sharon, “Nauna kong maging friend si Ogie nu’ng ‘80s pa eh. Mahal na mahal talaga ni Kiko (Pangilinan) si Ogie to begin with. They’ve known each other since Ogie was in grade school and Kiko was in high school. Tapos nag-UP silang pareho. Magkakilala na sila.
“From the beginning pa, 2008 na concert sa States nakasama ko siya. Lalong naging magkakaibigan kami tapos nu’ng si Regs na naging close na kami. Magkakasundo talaga kami.
“I’m nice to everyone pero ibang usapan yung friendship without the quotation marks. Kasi you only have so much time. Lalo na when you’re getting older, you realize you won’t have time for everybody.
“You have to sift through your list na and there are people who pass through your life for a reason, to teach you a lesson, but there are some na kahit hindi mo nakikita will be there forever and that you would love to have around forever. So she’s in that category,” tuluy-tuloy na pagbabahagi ng OPM at movie icon.
Sa tanong kung bakit palagi siyang excited na makatrabaho si Regine, lalo na sa mga concerts, “She’s so generous. Being who she is and having a big talent in singing, she’s really such a generous co-performer. Wala ka nang mahihiling.
“The biggest stars in the industry, you will find are the most generous. The ones who are secure in their places in the industry and she’s one of them.
“Of course we love our audience and we love performing together lalo. Sabi ko bonus na lang yung shows kasi magkasama kami. Mas exciting yung in-between shows,” aniya pa.
Sey pa ni Sharon, bukod sa mga concert, looking forward din siya na makagawa sila ni Regine ng movie, “Naghihintay lang kami. We would love to do a movie together!”
https://bandera.inquirer.net/308920/ogie-naging-kawawa-raw-nang-pakasalan-si-regine-nabawasan-nga-ba-ang-kasikatan
https://bandera.inquirer.net/310549/regine-bumanat-sa-mga-magnanakaw-sa-socmed-pasabog-ang-birthday-message-kay-kim
https://bandera.inquirer.net/294045/janella-sa-naintrigang-friendship-nila-ni-julia-hindi-na-kami-nag-uusap-ngayon