Michelle Dee
HUMAKOT ng special awards ang Kapuso actress na si Michelle Dee sa ginanap na preliminary competition ng Miss Universe Philippines 2022 pageant kagabi sa Okada Manila.
Representing Makati City, anim na special awards ang napanalunan ni Michelle matapos rumampa kasama ang 32 iba pang kandidata sa ginanap na preliminary swimsuit and evening gown rounds.
Si Michelle ang itinanghal na Miss Kumuniverse, Miss Creamsilk, Face of Essentials Belo, Miss Jojo Bragais, Miss The Medical City at Miss Savepoint.
Kaya naman marami ang nagkomento na malakas talaga ang laban ng 2019 Miss Universe Philippines at anak ni Miss International 1979 Melanie Marquez.
Dalawa naman ang napanalunang special awards ni Miss Pasay at 2018 Miss Earth Philippines Celeste Cortesi, ang Miss Avana at Miss Aqua Boracay.
Si Miss Bohol at 2020 Miss Universe Philippines 3rd runner-up Pauline Amelinckx ang tumanggap ng Frontrow Choice Queen at Miss MG Cars.
Dalawang brand awards din ang naiuwi ni Miss Taguig Katrina Llegado na nanalo na noon bilang 2019 Reina Hispanoamericana — ang Miss Philippines Airlines at Miss CAD.
Ngayong darating na Sabado, April 30, magaganap ang grand coronation night, sa Mall of Asia Arena to be hosted by three Miss Universe titlists — sina Pia Wurtzbach ng Philippines, Iris Mittenaere ng France at Demi-Leigh Tebow ng South Africa.
Isa sa mga magiging judge sa grand event ang reigning Miss Universe na si Harnaaz Sandhu mula sa India. Dito ia-announce ang top 16 finalists, kung saan ang isa rito ay pipiliin through online voting.
https://bandera.inquirer.net/305763/ex-beauty-queen-michelle-dee-katrina-llegado-lalaban-uli-sa-miss-universe-ph-2022-its-now-or-never
https://bandera.inquirer.net/286243/top-10-para-sa-miss-queen-of-hearts-ph-rarampa-na
https://bandera.inquirer.net/308668/regine-naiyak-nang-ikuwento-ang-pagiging-third-party-sa-hiwalayang-ogie-at-michelle-hindi-ko-naman-sinasadya