Gloria Sevilla at Krista Ranillo
HINDI makatulog ang dating aktres na si Krista Ranillo-Lim dahil sa nararamdamang pangungulila at kalungkutan sa pagpanaw ng kanyang lola na si Gloria Sevilla.
Labis ang pagdadalamhati ngayon ni Krista at ng kanyang buong pamilya, mga kaanak at mga kaibigan dahil sa pamamaalam ng award-winning veteran actress.
Namatay ang tinaguriang Queen of Visayan Movies habang natutulog sa tahanan nila sa Oakland, California, nitong nagdaang Sabado ng umaga, April 16. Siya ay 90 years old.
Idinaan ng hindi na aktibong aktres aa Instagram kahapon, April 17, ang kanyang pagluluksa at nararamdamang pangungulila.
Kuwento ni Krista, nanghihinayang siya dahil sa maikling panahong pinagsamahan nila ng kanyang lola. Kailan lamang kasi ito nagdesisyong manirahan sa Amerika.
“I can’t sleep. I miss you. I’m so thankful we were able to spend time ever since you moved here to the U.S.
“It’s still not enough time. I wish we had more time. I wish we had more memories together,” ang simulang mensahe ni Krista.
Bago namaalam ang kanyang lola, napagkuwentuhan pa raw nila ang pag-attend nito sa church wedding nila ng asawang businessman at CEO ng Island Pacific Supermarket sa US na si Niño Lim ngayong darating na July.
Pagpapatuloy pa ng dating sexy actress, “It’s been 10 days since we last saw each other and my heart is breaking knowing I won’t see you again. You were going to visit for my birthday.
“You promised to be at my church wedding in July. I love you Grandma. So much. Nino loves you, the kids adore you. I’m thankful to the Lord that the kids got to know their great Grandma.
“Nate will miss dancing for you. He told me tonight he wishes he danced more for you because it made you so happy. I love you,” ang bahagi pa ng caption ni Krista sa kanyang IG post.
Nauna rito, naglabas din ang pamilya Ranillo ng official statement tungkol sa pagpanaw ng premyadong aktres.
“It is with deep sadness that we announce the passing of our mom, Gloria Sevilla, the Queen of Visayan Movies, in Oakland, California at 11 am, April 16, 2022. She died peacefully in her sleep.
“We appreciate all those praying for the repose of her soul. Thank you,” ang nakasaad sa opisyal na pahayag ng pamilya.
Hindi pa naglalabas ang pamilya nina Krista ng detalye kung saan ibuburol at kung kailan ang libing ni Gloria Sevilla.
https://bandera.inquirer.net/310995/queen-of-visayan-movies-gloria-sevilla-pumanaw-na-sa-edad-90
https://bandera.inquirer.net/285963/negosyo-nina-krista-ranillo-at-nino-lim-sa-us-iniintriga-3-korean-movie-eeksena-sa-pinas
https://bandera.inquirer.net/306131/jake-cuenca-nagluluksa-sa-pagpanaw-ng-lola-its-still-so-hard-to-fathom-that-youre-not-with-us-anymore