KD Estrada at Alexa Ilacad
“SECRET po, ibubulong na lang namin later,” ang tumatawang sagot ni Alexa Ilacad nang tanungin ni Father Tito Caluag kung ano na ba talaga ang real score sa relasyon nila ni KD Estrada.
Nakachikahan ng pari sa 100th episode ng “Kapamilya Journeys of Hope with Father Tito Caluag” sina Alexa at KD nitong nagdaang Sabado, April 16.
Ayon sa Kapamilya loveteam, itinuturing nilang malaking blessing ang pagdating nila sa buhay ng isa’t isa lalo na noong kailangang-kailangan nila ng “kakampi” bilang celebrity housemates sa “Pinoy Big Brother” season 10.
“We were both sharing a very similar journey that we didn’t even realize,” pahayag ni Alexa na super naging close kay KD sa loob ng Bahay ni Kuya hanggang sa makilala na nga bilang “KDLex.”
Hanggang ngayon ay hindi pa rin diretsahang inaamin ng dalawang Kapamilya stars ang tunay na estado ng kanilang relasyon at hindi rin sila napaamin ni Father Caluag nang tanungin ang tungkol sa kanilang relationship status.
Sabi ni Alexa kay KD, “Siguro ibinigay ako sa ‘yo ni Lord to make your journey here lighter. Baka talagang pinaglapit tayo.
“For so many times we were in the same room, there were so many times na dapat nag-PBB ako, pero bakit sa itong season napunta,” sabi pa ng dalaga sa kanyang rumored boyfriend.
Kuwento naman ni KD, napakalaking tulong ni Alexa sa kanya sa loob ng PBB house lalo na noong makaramdam siya ng depression at magkaroon ng panic attacks. Talagang hindi raw siya pinabayaan at iniwan ni Alexa.
“I felt she really wanted to understand and help me. It’s so nice kasi while the housemates they’re nice, Alexa is different,” ani KD.
Sabi naman ni Alexa, “I didn’t know at that time he was going through something. I just felt like this person needs me, like, baka maka-help ka.
“When I saw him and I felt like he needed me, I really knew I needed to make an effort to understand what this person is going through para matulungan ko,” aniya pa at inilarawan pa ang kanilang mga sarili bilang “two lost souls.”
Habang nasa loob ng Bahay ni Kuya, na-diagnose nga ng depression si KD base sa pagsusuri na ginawa ng resident psychologist-psychiatrist ng reality show na si Dr. Randy Dellosa.
Kasunod nito, isa-isa nang na-realize ni KD ang mga dapat niyang gawin at ipaglabab bilang housemate, “Sometimes it was too much for me to handle, I was going through a very toxic cycle.
“But I felt I had to do something for me, because I was always doing things for other people; I just told myself, ‘Let’s not do it for anyone, let’s do it for KD,'” dugtong ng aktor at singer.
https://bandera.inquirer.net/301481/alexa-ilacad-kd-estrada-goodbye-na-rin-sa-pbb-10-madam-inutz-brenda-mage-pasok-sa-top-5
https://bandera.inquirer.net/303670/alexa-ilacad-tinutukso-sa-3-lalaki-ang-ganda-ko-di-ba-ang-haba-ng-hair-ko
https://bandera.inquirer.net/301586/alexa-kd-muling-nag-bonding-sa-harap-ng-bahay-ni-kuya-3-adult-housemates-ipinakilala-na