JC Santos at Bela Padilla
MAS na-inspire at mas na-motivate pa si JC Santos na ituloy ang pangarap niyang maging direktor nang dahil sa kaibigan leading lady niyang si Bela Padilla.
Muling magtatambal ang dalawa sa latest “hugot” movie ng Viva Films, ang “366”, na isinulat at idinirek din ni Bela.
Ilan sa mga pinagsamahang box-office movie nina JC at Bela ay ang “I00 Tula Para Kay Stella”, “The Day After Valentine’s” at “Of Vodka, Beers and Regrets”.
Kuwento ng aktor sa kanilang reunion film na “366”, “It’s always exciting to work with Bela as we bring out the best in each other.
“But as the director now, the challenge is for her how to make this different from all the other movies we’ve done together.
“Maganda yung working relationship namin at hindi na siguro ako makakahanap ng ganyang ka-tandem na kahit anong scene or movie ang gawin namin, it always works.
“Lalo na ngayong director ko na siya, she brings me out of my comfort zone and it’s so much fun,” pahayag ng celebrity dad sa virtual mediacon ng “366”.
Aniya pa patungkol kay Bela, “I have this much love and respect for her. Sabi ko nga sa kanya, kahit dumating kami in our 40s or 50s or 60s, I hope we’ll still do movies together.”
Puring-puri rin niya ang dalaga sa una nitong pagsabak sa pagdidirek, “She has surely levelled-up from acting and she’s now also writing and directing her own movie. I’ve seen ‘366’ and it really works as a touching drama about grief and moving on.
“I’m so glad to be part of her first movie as a director as she’s really doing great. Ang maganda kasi, tantiyado na niya ang mga puwede kong gawin bilang aktor at kaya niya rin akong i-push to get more from me.
“I really want to help her kasi nga first directorial job niya, so I felt na kailangan ko talagang galingan as my contribution to her movie,” sey pa ni JC.
Kasunod nito, natanong nga si JC kung may plano rin siyang magdirek tulad ni Bela, “Yes, may ambition din ako to direct, pero nakaka-pressure and achievement ni Bela kasi sobrang bata pa lang niya at 30, pero nagdidirek niya. But we both have this love for storytelling.
“It just so happened mas maaga siyang nagsimula sa pagdidirek. But she really inspires me. Actually, I have already written a few scripts at kailangan ko na lang i-pitch. Sana magustuhan din ng Viva,” paliwanag pa ng aktor.
Ano naman ang masasabi niya na makikipagpalaban ang romantic drama movie nila nina Bela at Zanjoe Marudo sa mga sex-erotic films ng Vivamax?
“Sa ngayon, I think puro lalaki audience ng Vivamax, so with ‘366’ balik naman tayo sa love stories for the female viewers.
“Hindi naman mawawala yang market na yan. Siempre, if you see nothing but the same kind of movie, mauumay ka rin and you’d look for other viewing fare,” katwiran ni JC.
Samantala, sa ngayon, wala na raw mahihiling pa si JC dahil sa dami ng blessings na dumarating sa kanyang personal life at career.
“Yes, I’m really happy right now. Ako, I’ve always separated my personal, my family life from my work, but right now, both of them are doing good.
“I was able to survive the pandemic with the help of my wife and our baby. Sa career naman, I’m just happy na hindi ako nababakante.
“I’m very proud of ‘366’ that I did with Bela and which we shot partly on location in Turkey. I’m so happy seeing Bela calling all the shots, running the whole show.
“She gave it all her heart and soul so sana, panoorin nyo kasi matapang ang approach niya in doing a love story like ‘366’,” aniya pa tungkol sa bago niyang pelikula na mapapanood na simula sa April 22, exclusively on Vivamax.
https://bandera.inquirer.net/309682/bela-padilla-walang-awkwardness-na-naramdaman-kay-zanjoe-sa-366-i-already-got-passed-that-stage
https://bandera.inquirer.net/310144/bela-bilib-na-bilib-sa-2-leading-man-sa-366-si-jc-talagang-ginalingan-hindi-pa-action-tumutulo-na-ang-luha-2
https://bandera.inquirer.net/306536/bela-padilla-norman-bay-masayang-nag-celebrate-ng-2nd-anniversary-you-make-my-days-brighter