Elisse Joson, McCoy de Leon at Baby Felize
KAHIT live-in partners na at meron na ring anak, feeling “awkward” pa rin sina McCoy de Leon at Elisse Joson nang sumabak sa mga love scene para sa reunion movie nilang “Habangbuhay.”
Marami pang nadiskubre ang celebrity couple tungkol sa isa’t isa matapos nilang gawin ang “Habangbuhay” na mapapanood na sa Vivamax simula sa April 22.
“Ang haba ng process before we completed this movie. We have to consider the pandemic. First time namin to make a movie na may baby na kami. We decided to go for it. Sobrang matured scenes. Iba at bago sa amin.
“At the end of the day, what matters most to us is how we were able to perform sa ginawa naming film. Malalaman din namin how well we did. Kung ano kulang o sobra. But hearing it from the people you actually worked with, that made us proud,” pahayag ni Elisse.
Pag-amin pa ng aktres, “May mga scenes na hindi namin nagagawa or nasasabi sa isa’t isa in real life, pero nagawa naman namin sa movie.
“In real life, those are the things we wanted to do but we are not very vocal sometimes, so hindi namin na-express,” aniya pa.
Sey naman ni McCoy, medyo nanibago at nailang sila ni Elisse habang kinukunan ang ilang eksena nila sa “Habangbuhay” na idinirek ni Real Florido at sa panulat ni John Versoza.
Sabi nga ni Elisse, medyo nagkakahiyaan pa sila ni McCoy sa kanilang mga intimate scenes sa kanilang romantic-drama film. Kuwento ng actress, “At first, it’s awkward kahit we’re a couple.
“So it really helped that we had a very comfortable set and environment, the people that we were with. Pero masaya. Actually, nag-enjoy ako,” chika pa ng celebrity mommy.
Samantala, ipinagdiinan din ng magdyowa na hindi rin perfect ang kanilang relasyon at patuloy pa rin silang nag-a-adjust bilang mga magulang ni Baby Felize McKenzie.
“Maraming challenges kaming pinagdadaanan. I am thankful na si McCoy ang partner ko in all. He’s a very hands-on dad. Nakita ko ‘yung shift from being just a boyfriend, tapos naging dad na siya.
“Everyday, even if I don’t tell him, nakikita ko ‘yung pagiging responsible niya na tatay. I always tell that to Felize everyday. She’s very lucky to have McCoy as her dad. He’s very responsible and he’s really working hard for Felize and me,” sey ni Elisse.
Siniguro naman ni McCoy na panghabang buhay na ang pagmamahal niya kay Elisse, “Sobrang contented ako para sa masayang pamilya namin.
“Hanggang ngayon, I’m still trying to win to the highest level ‘yung heart ni Elisse. Siyempre, hindi naman one day lang ‘yan. Habangbuhay. But I know love is not enough,” dagdag pa ng aktor.
Hirit naman ni Elisse, “There’s understanding, respect, compromising, giving. We are still learning up to now. Sobrang grateful lang talaga ako na siya ang daddy ni Felize.”
Papuri naman ni McCoy sa kanyang partner, “Si Elisse, gusto rin niya palaging best para sa kanyang family. Gusto niya lahat mabigyan ng time, kasiyahan. Ayaw niyang may male-left behind.
“Nakita ko siya as girlfriend ko and now as a mother. When she’s at home, makikita mo ‘yung priority niya, si Felize. Wala akong masabing kulang. Wala rin akong masabing sobra.
“Sobrang perfect ni Elisse para sa naging anak namin. Thankful ako kay Lord dahil mayroon akong pamilya, mayroon akong partner na tulad ni Elisse at anak tulad ni Felize,” lahad pa ni McCoy na ipinagdiinan ding sa tamang panahon ay pakakasalan din niya si Elisse.
https://bandera.inquirer.net/309952/mccoy-bawal-makipaghalikan-at-makipag-love-scene-sa-pelikula-hirit-ni-elisse-selosa-kasi-ako
https://bandera.inquirer.net/296586/mccoy-elisse-pinag-usapan-kung-bakit-sila-naghiwalay-noon
https://bandera.inquirer.net/307504/mga-hugot-nina-elisse-joson-at-mccoy-de-leon-sa-socmed-pang-promo-lang