James Reid
AGAW-EKSENA si James Reid sa naganap na 30th annual Elton John AIDS Foundation Academy Awards Viewing Party na ginanap kahapon, March 28, (Philippine time) sa West Hollywood Park, Los Angeles.
Rampa kung rampa ang actor-musician at record producer sa nasabing event base sa video na ipinost ni ABS-CBN North America Bureau correspondent Yong Chavez sa Twitter.
Inamin daw ni James na talagang na-starstruck siya nang makita at makaharap up close ang mga sikat na Hollywood stars na dumalo sa taunang Elton John AIDS Foundation Academy Awards Viewing Party.
“He said he’s a bit starstruck at the moment — but I’d say he’s holding his own beside Hollywood stars.
“His publicist at first said no to interviews but glad he stopped when I yelled my affiliation haha. Great to meet and chat with him!” ang caption ni Yong sa video ni James.
“It’s my first time here, a very star-studded night. Um, (I’m) starstruck by a lot of people that I’ve met here already,” ang sabi ni James sa nasabing panayam.
Matatandaang lumipad patungong Amerika si James nitong nagdaang February para sa ilang projects na natanguan niya. Nag-promise naman ang binata na babalik pa rin siya sa Pilipinas.
Samantala, ang mga nag-host sa nasabing event ay sina Lady Gaga, Billy Porter, Eric McCormack, at ang CEO ng Rocket Entertainment at chairman ng Elton John AIDS Foundation na si David Furnish.
Ilan naman sa mga Hollywood stars na um-attend sa bonggang viewing party ay sina Kevin Costner, Demi Lovato, Zooey Deschanel, Donatella Versace, Fran Drescher, Patricia Arquette, Christina Hendricks at Chris Pine.
Naroon din sina Lucy Hale, Heidi Klum, Chris Sullivan and Chrissy Metz, Andrew Rannells, Sofia Richie, Liam Payne, Beck, Bobby Berk at Emily Hampshire.
Samanta, base sa report umabot sa $8.6 million ang nalikom na halaga ng foundation ni Elton John na tumutulong sa mga taong may AIDS pati na mga organisasyon na nangangalaga sa mga HIV patients.
Xian mahigit isang taon nanligaw kay Kim; may tip sa pakikipagrelasyon
Enchong sa 30th anniversary episode ng MMK: Ang bigat pala ng responsibilidad na ‘to!