Kakai Bautista at Cai Cortez
MULING nagpasabog ng good vibes at body positivity sa social media ang Kapuso comedienne na si Kakai Bautista.
Walang arte-arteng nagbilad ng kanyang sexy photos ang singer-actress sa Instagram para sa women empowerment at bilang bahagi na rin ng Women’s Month celebration
Aniya sa caption, “Hindi ako titigil! Uumayin ko kayo.
“Hindi ako titigil na i-remind kayo na ano mang hugis, hitsura at kulay niyo, YOU ARE BEAUTIFUL and you should be proud dahil sa inyo lang ‘yan.
“Babae! Sa ‘yo lang ‘yan, walang pwedeng umangkin n’yan.
“Always believe in the power of your beauty,” mensahe pa ng Kapuso comedienne.
Samantala, hindi rin nagpahuli ang co-star ni Kakai sa Kapuso primetime series na “First Lady” na si Cai Cortez who is also promoting body positivity in her IG photos.
Sa kanyang Instagram post kahapon, ibinandera ni Cai ang kanyang plus size body with her black and white swimsuit.
Sabi niya sa caption, “Due to insistent public demand…eto na po ang entry ko. YES WALA PONG RETOUCH! I. AM. SEXY.
“I am a woman, i am a mother of two, i have flaws and WALAKOMPAKE because i love the body that God has given me @kiwi.poto #plussize #magandaakoperiod #plussizeswimwear #plussizefashion #plusizemodel #plussizepinup #plusizepinup,” sabi pa ng komedyana sa kanyang post.
Sa isang panayam, sinabi ni Cai kung paano niya hinaharap at hina-handle ang mga panlalait at pambabastos ng mga netizens sa kanyang katawan.
“I think it’s because the people know that I know who I am. Tanggap kong mataba ako at sexy rin ako.
“Even if they tease me that I’m fat, it’s true. Why would I get annoyed? I think it was never an issue for me. They send you hate because they want to hurt you,” pahayag ng komedyana.
Kasal si Cai sa kanyang Tunisian husband na si Wissem Rkhami at biniyayaan na ng dalawang anak na sina Bibo at Carmen.
https://bandera.inquirer.net/281875/walang-pera-pera-ngayon-walang-fame-walang-everything-we-are-powerless
https://bandera.inquirer.net/307357/payo-kay-kakai-ipagawa-mo-ang-ipin-mo-may-potential-kang-maging-sikat-na-singer
https://bandera.inquirer.net/286700/basher-ni-sanya-sunog-kay-kakai-kung-ayaw-nyo-sa-kanya-idulog-nyo-yan-sa-barangay