Pauline Mendoza
ANIM na taon na ang Kapuso actress at “Widow’s Web” star na si Pauline Mendoza sa showbiz at marami na rin siyang maipagmamalaking achievements bilang artista.
In fairness, isa ang dalaga sa maituturing na masuwerteng artista ngayong panahon ng pandemya dahil patuloy pa rin siyang nabibigyan ng magagandang projects sa GMA 7.
Kabilang na nga riyan ang umeere ngayong Kapuso primetime series na “Widows’ Web” kung saan nakikipagtagisan ang dalaga sa kanyang mga co-stars pagdating sa aktingan.
Isa ang kanilang serye sa talagang tinututukan ngayon ng mga manonood dahil sa nakaka-excite at nakakawindang na kuwento nito kaya naman patuloy pang tumataas ang kanilang rating gabi-gabi.
Sa panayam ng GMA Network, nai-share ni Pauline ang biggest lesson na natutunan niya sa loob ng anim na taong pananatili showbiz. Unang-una na raw diyan ang pagiging humble o pagpapakumbaba.
“Siguro ang tumatak sa akin for the past six years I’ve been with GMA is that it doesn’t matter kahit gaano ka na katagal or kahit marami ka nang na-experience, kailangan magpakumbaba ka pa rin. ‘Yun ang lagi nilang sinasabi sa akin,” pahayag ni Pauline sa nasabing interview.
Patuloy pa ng aktres, “Just stay humble all the time. Be nice, be kind. Bati ka, lalo na sa mga senior artist mo, senior co-actors mo.
“And, of course, hard work pa rin, keep striving, learn more para magkaroon ka ng mga bagong experiences.
“May mga matututunan kang bago kasi throughout the process naman, kailangan lagi ka may natututunan na bago. So ako, gusto ko ‘yung ganoon na mayroon akong nae-experience na bago,” aniya pa.
Nagpasalamat din siya sa mga bossing ng network at sa talent management ng GMA 7 na Sparkle dahil patuloy pa rin ang tiwala at pagmamahal ng mga ito sa kanya.
“Sa buong six years ko, ang ganda ng projects na ibinibigay nila sa akin. I swear, sobrang grateful ko talaga. Sobrang blessed ko kasi ang ganda ng mga proyekto na nasimulan ko noong baguhan pa ako.
“And hanggang ngayon baguhan pa rin naman ako. Sobrang ganda ng mga binibigay nila sa akin na opportunities, projects, story ang ganda. I’m really grateful for that,” pahayag ng aktres.
Abangan ang susunod na mga pasabog ng karakter ni Pauline sa “Widow’s Web” bilang si Elaine Innocencio, mula Lunes hanggang Biyernes, 8:50 p.m., sa GMA Telebabad. Kasama rin dito sina Carmina Villarroel, Vaness del Moral, Ashley Ortega at marami pang iba.
https://bandera.inquirer.net/306143/pauline-mendoza-nagpapayat-para-sa-widows-web-una-kong-mature-role-at-may-asawa-na-ako-rito
https://bandera.inquirer.net/308513/carmina-ashley-patalbugan-ng-akting-sa-widows-web-batuhan-ng-linya-pak-na-pak-sa-manonood
https://bandera.inquirer.net/306453/ea-na-challenge-sa-bagong-role-sa-widows-web-kulitan-nina-mikael-at-megan-sa-the-best-ka-pak-na-pak