Lotlot de Leon, Janine Gutierrez at Diego Gutierrez
PINUSUAN ng mga netizens ang super sweet message ng magkapatid na Janine at Diego Gutierrez para sa pinakamamahal nilang nanay na si Lotlot de Leon.
Nag-celebrate ng kanyang 50th birthday ang aktres kahapon kasama ang pamilya kasabay ng pagbuhos ng pagbati sa social media mula sa kanyang fans at mga kaibigan in and out of showbiz.
Kabilang nga sa mga unang bumati sa kanya sa pamamagitan ng kani-kanilang Instagram account ay ang mga anak na sina Janine at Diego.
Nag-share ang Kapamilya actress sa IG ng throwback photo nila ni Lotlot kabilang na ang litrato kung saan karga-karga pa siya ng ina.
“How did I get so lucky. Happy birthday, mama! I love you so much,” sey ni Janine sa caption.
Isang “then and now” pictures naman ang ipinost ni Diego na may mensaheng, “Two pictures probably 20 years apart but still same same.
“Missing you on your birthday mama but we’ll celebrate when you get back from lock-in! Happy birthday we love you!!” ang bahagi pa ng caption na isinulat ni Diego.
Nauna rito, nag-post din si Lotlot sa Instagram ng kanyang birthday message kalakip ang ilang litrato. Sabi niya sa caption, “This tiny thing entered my car when I opened my window. This little dandelion made me smile this morning. A dandelion is a symbol of growth, hope and healing.
“So yes, I turn 50 today and I am grateful for all that life has brought and taught me… for all the good and the bad.
“Grabe… ang dami ko pa gusto i-share at sabihin pero sige ito na lang. Sa lahat ng nagmamahal at nagtitiwala, salamat.
“Sapat na sapat kayo! Papa God, thank you. Ikaw na po bahala sa akin lagi… alam N’yo na po ‘yun! And here’s looking forward to many more years of blessedness with my family,” mensahe ng aktres na may hashtag na #goldengirl.
https://bandera.inquirer.net/303012/lotlot-sa-nagsabing-napakatigas-ng-puso-niya-kay-ate-guy-wala-na-po-ba-kayo-idadagdag-sa-panghuhusga-nyo
https://bandera.inquirer.net/303464/ian-sa-isyu-ni-lotlot-sa-totoo-lang-po-mga-chismis-lang-talaga-ang-sumisira-sa-amin
https://bandera.inquirer.net/300478/janine-gutierrez-may-bago-na-raw-ayon-kay-lotlot-de-leon