Manager ni Kit Thompson nagpadala ng bulaklak kay Ana Jalandoni: Please know that you are in our prayers…
Kit Thompson at Ana Jalandoni
NAGPADALA ng bulaklak ang may-ari ng Cornerstone Entertainment at talent manager ni Kit Thompson na si Erickson Raymundo sa sexy actress na si Ana Jalandoni.
Ito’y sa gitna pa rin ng pinag-uusapang isyu ng pambubugbog umano ng hunk actor kay Ana sa inupahan nilang kuwarto sa Amega Hotel na matatagpuan sa Emilio Aguinaldo Highway, Silang Junction South, Tagaytay City.
Mismong si Ana ang nag-post sa kanyang Instagram Stories kagabi ng litrato ng bouquet of flowers na ipinadala sa kanya ni Erickson kalakip ang isang short but sweet message.
Narito ang nakasaad sa sulat na ipinadala ng talent manager ni Kit kay Ana, “Dear Ana…
“Please know that you are in our prayers and we fervently hope for your speedy recovery.
“See you when you feel better and let us know if you need anything from us. God bless.
“Love, Erickson Raymundo and your Cornerstone Family.”
Sinampahan na ng mga kaukulang kaso si Kit dahil sa umano’y pananakit at pananakot kay Ana. Kasalukuyang nakakulong sa Tagaytay Component City Police Station ang aktor.
Matatandaang naaresto si Kit ng mga rumespondeng pulis sa pinangyarihan ng insidente kasabay ng pagsugod kay Ana sa Tagaytay Medical Center dahil sa mga tinamong sugat sa mukha at iba pang bahagi ng katawan.
Ayon sa kapatid ni Ana na si Marie Jalandoni, matindi talaga ang nangyari sa aktres, “Grabe, as in grabe talaga. Iba yung mukha niya talaga, wala siyang mata, dalawa, kulay green, kulay black. Basag talaga yung mukha niya as in, buong katawan.
“Sabi niya, sinampal muna raw siya, sampal… then sampal, suntok, suntok, sampal, sampal sa ulo. Kaya yung mukha niya ngayon sobrang namamaga, as in sobra talaga,” ang mangiyak-ngiyak na sabi pa ng kapatid ni Ana.
View this post on Instagram
Nauna nga rito, naglabas ng opisyal na pahayag ang Cornerstone Management kaugnay ng kinasasangkutang kontrobersiya ng kanilang talent.
“We have just been informed that one of our artists, Mr. Kit Thompson, was allegedly involved in an incident that transpired last night in Tagaytay City, Cavite.
“As we have yet to receive a formal report regarding the alleged incident, we could not give a response nor comment on the matter.
“However, we request the public to be mindful of casting judgment based on unfounded reports being circulated online.”
At ilang oras lamang ang nakalipas, muling naglabas ng pahayag ang management ni Kit, “The Cornerstone Management does not condone any act of violence and profoundly value the dignity of women.”
“We take this opportunity to clarify that our earlier statement was issued with no knowledge of any specific details as we were in receipt only of general allegations.
“Neither were we privy to any photos of the incident.
“In this delicate situation, we subscribe to the sound discretion of law enforcement and allow the wheels of justice to take its course.”
Bago tuluyang makasuhan si Kit, nakapag-post pa si Ana ng mensahe sa Instagram patungkol sa nangyari sa kanya.
Aniya, “When you love someone you will never ever harm them. Minahal mo ba talaga?”
“This is me saying, you all should be careful out there. I can’t reply to all of you right now but thank you for checking up on me.
“I will release a statement soon,” diin pa niya.
Wala namang naging reaksyon si Ana sa pagpapadala sa kanya ng bulaklak ng manager ni Kit.
https://bandera.inquirer.net/308540/kit-thompson-mahal-pa-rin-daw-ni-ana-jalandoni-pero-mapatawad-pa-kaya-ang-nakakulong-na-dyowa
https://bandera.inquirer.net/308496/kit-thompson-kinasuhan-ng-pnp-dahil-sa-diumanoy-pananakit-kay-ana-jalandoni
https://bandera.inquirer.net/308581/kit-thompson-balak-nang-pakasalan-si-ana-jalandoni-mahal-na-mahal-niya-yung-girl-pero
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.