MAY pakiusap ang Queen of All Media na si Kris Aquino sa kanyang mga taga-suporta ukol sa paggamit ng heart emojis.
Matatandaan na nitong Sabado, March 5, nang magbigay muli ng update si Tetay sa Instagram ukol sa kanyang health condition.
“You’ve all been part of my road to better health journey… ayokong may itago sa inyo…” saad ni Kris.
Dito ay inamin niya na lilipad na sila patungong ibang bansa kasama ang kanyang dalawang anak na sina Bimb at Kuya Josh pati na rin ang kanyang staff in less than two weeks para sa kanyang pagpapagamot.
Naikuwento rin ni Kris ang ilan pang mga tests na kanyang gagawin ngayong Biyernes, March 11 gaya ng PET Scan, Endoscopy, at bone marrow biopsy habang sa March 13 naman ang second dose niya ng Xolair injection.
“Makulit ako, please also pray for my sisters who worry so much for the ‘baby’ of the family (bunso po kasi), my sons, my trusted friends & my TEAM na talagang walang iwanan,” dagdag pa niya.
Mabilis naman na umani ng komento mula sa mga kaibigan at taga-suporta ni Kris ang kanyang post.
“We continue to pray for your healing and recovery the soonest! Thank you for keeping us updated on your health! (three red heart emojis)” saad ng isang fan page na may username na @krisaquinoworld.
Nireplyan naman ito ni Kris at nakiusap na rin, “@krisaquinoworld request can you use yellow hearts?”
“I’m sure gets nyo na why wag muna red,” dagdag pa niya.
Pwede rin daw ang heart emoji na kulay rosas na tila nakabalot sa yellow ribbon.
Kuha naman agad ng admin ng kanyang fan page ang mensahe at agad itong nag-reply ng “sureness madam (three yellow hearts)”
May ilan naman na tila hindi nagustuhan ang naging pakiusap ni Kris sa kanyang mga taga-suporta.
Sey ng isang IG user, “Why did you need to tell them to use yellow or pink hearts instead of just thanking them for praying for you ? I know why of course, I just don’t get it why did you need to tell them what color they should use, they can choose what color they want. Lol.”
Dagdag pa ng isa, “Instead of focusing on her health and yet she still manage to ‘insert’ those ‘hatred’ remarks, unbelievable! Who cares! Red, pink, purple or white! Focus on your health! People have their own decisions on what to do with their you know what. Politics really gets into my nerve now a days susme!”
Agad namang ipinagtanggol ng mga netizens si Kris.
“Then you should also focus on your life and not focus on what she post. It’s her IG, her choice what to post. She’s requesting her fans and I’m sure her fans wouldn’t mind,” saad ng netizen at pinaulanan pa ng yellow heart emojis ang kanyang comment base na rin sa request ni Tetay.
Hirit naman ng isa, “What’s ‘hatred’ in there? Hatred is all on your mind. And if its getting into your nerves then block Kris or unfollow. Really, who cares? The fact that you dropped a comment here means you care. How about focus on yourself instead. And to echo your statement ‘People have their own decision on what to do’ well I believe Kris isn’t an exemption. She has her own decison on what to post and comment on her page. Her IG, her rules.”
Dalangin naman namin sa Bandera ang tuloy tuloy na pagbuti ng kalusugan ni Kris.
Related Chika:
Bakit ‘bawal’ nang maglabas si Karen Davila ng mga Presidential interview sa kanyang vlog?