Mahulaan n’yo kaya kung sino ang bida sa ating blind item?
AYAW nang makatrabaho ng premyadong direktor ng mga commercial ang kilalang singer-actor dahil napaka-unprofessional daw nito.
Una, ilang oras daw itong nale-late sa call time. E, si direk pala ay palaging maagang dumarating at naka-set up na ang production — ang kukunan na lang ang hinihintay.
Pagdating pa pala ng singer-actor ay hindi pa agad nag-ayos, humingi muna ng breakfast at pati na rin sa mga kasama niya na sumakto rin dahil ang kukunan ay brand ng kape.
“Meron naman talagang breakfast na nakahanda for _____ (singer-actor) pati sa entourage niya. Ang kaso parang nasa bahay lang sila, nagkukuwentuhan habang kumakain at hindi inisip na may naghihintay na mga tao,” iritang tsika ng source namin sa isang ad agency.
Dalawang oras daw late at isang oras kumain plus one hour nag-make up at nagbihis kaya naubos ang pasensya ni direk dahil kung tutuusin ay si singer-actor ang hindi gaanong sikat sa mga nakunan na niyang TV commercial.
Nag-sorry naman daw si singer-actor nu’ng lumapit na kay direk para mag-shoot pero hindi siya pinansin ng supladong direktor din at dire-diretso na ang kuha nito para matapos agad.
“Three hours lang natapos ang shoot in fainess magaling naman si ____ (singer-actor) umarte-arte at ‘yun na lang daw ang konsuwelo ni direk.
“Pero ayaw na siyang maka-work talaga kasi dapat may sequel pa ‘yung coffee TVC, iba na ang gumawa,” kuwento ng aming source.
Ugali na pala talaga ng singer-actor ang ma-late at dedma sa mga naghihintay sa kanya kasi feeling niya magaling siya dahil nakatsikahan din namin ang mga naka-work niya sa TV series na nilabasan niya, sumusuko ang direktor at executive producer sa kanya dahil marami siyang arte to the max.
Wala namang reklamo ang mga cameraman sa kanya dahil masarap siyang kunan dahil okay ang mga anggulo.
May naalala kaming ganitong kuwento rin noon ng premyadong aktor na five hours late pagkatapos ay need muna niyang matulog pagdating sa set kahit dalawa hanggang tatlong oras lang para fresh.
Paggising ay dire-diretso na ang shoot at perfect! Kaya kahit super late ay love siya ng direktor dahil magiliw at marunong bumawi. Mas matagal pa yung itinulog sa pag-shoot.
Going back kay singer-actor ay maraming inquiries sa kanya pero hindi nagkakasarahan dahil ang mahal ng talent fee.
https://bandera.inquirer.net/280775/premyadong-senior-actor-may-budget-para-sa-indie-film-may-investor-kaya
https://bandera.inquirer.net/282499/markki-stroem-biktima-rin-ng-pambu-bully-sa-school-lumaban-sa-matinding-depresyon
https://bandera.inquirer.net/297476/premyadong-aktres-ayaw-nang-makatrabaho-ang-dating-sikat-na-aktor-na-masyadong-proud-sa-sarili