Kris Bernal at Rhian Ramos
PATI sa mga halikan at love scene sa mga teleserye ng GMA 7 ay mahigpit pa ring sinusunod ang health and safety protocols na ipinatutupad ng pamahalaan.
Ito ang siniguro ng Kapuso actress na si Rhian Ramos nang makachikahan ng ilang members ng entertainment media sa virtual mediacon ng bago niyang teleserye, ang legal crime-drama na “Artikulo 247.”
Dito, makakasama niya sina Kris Bernal, Benjamin Alves, Mark Herras, Victor Silayan at marami pang iba.
Kuwento ng dalaga, napakarami niyang hindi malilimutang karanasan sa lock-in shoot ng “Artikulo 247” kung saan ginagampanan niya ang karakter ni Jane Ortega.
“I love my role as a young career woman who made the mistake of falling in love with a married man, Victor Silayan as Alfred. Akala ko, hiwalay na sila ng wife niyang si Claire as portrayed by Kris Bernal.
“It turns out gustong makipagbalikan nito sa kanya but ayaw na ni Victor kasi si Kris ang unang nangaliwa. The love triangle sa aming tatlo becomes very complicated and messy, ending up in murder,” chika ng aktres.
At dahil sa krimen na nagawa niya, sinintensiyahan siyang makulong pero lalaban siya gamit ang “Artikulo 247” ng revised penal code na nagsasabing, “anyone who kills or harm his or her spouse who’s caughter cheating cannot be imprisoned but just punished by destierro or exile to another place.”
“It’s very difficult and challenging but I learned a lot from this show. Very mature ang role ko. May love scenes ako with both Victor and Benjamin.
“Maingat ang staff kasi we have to gargle antiseptic mouthwash to make sure we’re safe to do kissing scenes. Okay naman, kasi lahat kami, naka-bubble, so very safe for us,” pahayag pa ni Rhian.
Samantala, isa pa raw sa dapat abangan ng Kapuso viewers ay ang mga nakakaloka at iskandalosang “fight scenes” nila ni Kris.
“Yes, very demanding scenes yung mga away namin ni Kris Bernal that is very physical at nagkasakitan talaga kami. But it can’t be helped kasi ayaw naming dayain and after each scene, we quickly check on each other and say sorry.
“Challenging din ang taping kasi it’s during the pandemic at lock in taping siya. Bale dalawang beses kaming nag-lock in taping,” chika pa ng Kapuso star.
Ang “Artikulo 247” ay mula sa direksyon ni Jorron Lee Monroy at kasama rin dito sina Mike Tan, Carla Martinez, Isadora, Maureen Larrazabal, Denise Barbacena, Brent Valdez at Topper Fabregas.
https://bandera.inquirer.net/306954/kris-tumodo-ng-kissing-scene-sa-artikulo-247-mas-marami-pa-yung-halikan-ko-rito-kesa-sa-asawa-ko
https://bandera.inquirer.net/291322/rhian-nag-bake-ng-cookies-habang-naka-bikini-heart-nagbilad-ng-kaseksihan-sa-beach
https://bandera.inquirer.net/284485/willie-ai-ai-may-lovelife-advice-kay-rhian-mas-ok-na-magkaroon-ka-rin-ng-sariling-pamilya