Gerald Anderson, Coco Martin at James Reid
TRULILI kaya ang nakarating sa aming balita na isa si James Reid sa pinagpipilian ng ABS-CBN management para gumanap sa international drama series na “Sellblock”?
Isa si James sa napipisil sa prison-set action drama na nasa pre-production na pero lahat ng mapipiling artista para rito ay dadaan sa matinding audition.
Kinakailangan ay magaling sa action ang pangunahing bida at ang dalawa na nasa isip namin na bagay sa proyektong ito ay sina Coco Martin at Gerald Anderson.
Pwedeng-pwede rin ang dalawang aktor sa “Sellblock” lalo’t napatunayan na naman nila sa kani-kanilang mga serye (FPJ’s Ang Probinsyano at A Soldiers Heart) na pwede silang mag-aksyon at magdrama.
Wala naman kaming alam na may ginawang action film si James pero kung mukha at pagiging fluent sa English ang pag-uusapan ay pasok na ang binata at madali namang mag-workshop na para sa mga action scenes.
Sa Sound stages sa San Jose del Monte, Bulacan itatayo ang New Bilibid Prison kung saan gagawin ang shooting ng “Sellblock.”
Pag nagkataon, bobongga ulit ang acting career ni James bilang solo actor at posibleng sumabay na rin dito ang pag-arangkada ng singing career niya.
Samantala, ang “Sellblock” ay mula sa ABS-CBN International Production, BlackOps Studios Asia, Story Arch Pictures ng US at Agog Film ng Hong Kong.
“It’s something we’ve been developing pre-pandemic pa, 2019. We were already supposed to produce it, and then everything happened, the pandemic and the shutdown, so na-delay.
“We thought hindi matutuloy, but then, nagakaroon ng new partners and then na-revive,” ayon kay Ruel Bayani, ang head ng International Production ng ABS-CBN sa isang panayam kasabay ng pagkumpirma na magaganap ang cast announcement sa Marso.
“A big actor is playing the FBI agent na nemesis ng ating Kapamilya actor,” sabi pa ni Direk Ruel sa panayam ng ABS-CBN.
https://bandera.inquirer.net/305920/sayang-na-sayang-ang-loveteam-nina-james-at-nadine-cristy-fermin
https://bandera.inquirer.net/306090/tatay-ni-james-reid-tinawag-na-basura-ang-balitang-for-good-na-ang-anak-sa-us
https://bandera.inquirer.net/290655/james-reid-hindi-pa-rin-nabebenta-ang-bahay-umaasang-may-chance-pa-kay-nadine