UMARIBA na naman ang social media influencer na si Christian “Xian” Gaza at mukhang ang dating PBB housemate at GirlTrends member na si Chie Filomeno ang target nito ngayon.
Sa isang Facebook kasi ng dalaga nitong February 17 ay makikitang nag-iwan ng comment ang self-proclaimed Pambansang Marites na lalaki ng Pilipinas.
“You look gorgeous,” comment ni Xian sa post ni Chie.
Dagdag pa nito, “And I think, bagay tayo.”
Hindi naman nagpatalo ang reply ni Chie kay Xian na talagang nagpaaliw rin sa mga netizens.
“Taraaaay, ang dami mong tingin na bagay sa ‘yo ah, ibaaaa! Lodi! Nyeam,” nakakaaliw na comment ng dalaga.
Umani nga ng mahigit isang libo ang nakuhang reaksyon ng comment ni Chie sa sinabi ni Xian.
Marami rin ang mga netizens na nagsasabi ang bilis raw magbago ng damdamin ni Xian dahil pa-iba iba ito ng gusto.
Hindi naman kasi ito ang unang beses na nagpahiwatig si Xian sa mga celebrities na gusto niyang maka-date.
Una ngang umugong ang pangalan niya nang ayain niya sa isang coffee date si Erich Gonzales at nagpa-billboard pa ito para mapansin ng aktres.
Bukod kay Erich, inaya ring lumabas ni Xian sina Liza Soberano, Nadine Lustre, at ang Tiktokerist na si Yuki Takahashi.
Umabot pa nga sa South Korea ang social media influencer at pati ang BlackPink member na si Jennie Kim ay inaya nito ng date. Nagpa-billboard rin ito malapit sa building ng agency ni Jennie para daw mapansin siya nito.
Kamakailan lang nang magtapat siya ng kanyang pagkagusto kay Barbie Imperial matapos ang naging kumpirmasyon ng aktres na hiwalay na sila ni Diego Loyzaga.
“Alam mo ba kung bakit paborito kong guluhin ang buhay mo? Kasi may gusto ako sayo. Goal ko talaga na maghiwalay kayo ni Diego,” paglalahad ni Xian.
Dagdag pa niya, “Hindi mo deserve ang isang lalaking mama’s boy at palaging nahingi ng pera sa ama. Ika nga sa Lumang Tipan, you deserve better.”
Wala namang natanggap na sagot si Xian mula kay Barbie.
Samantala, muli na namang nakapagsayaw sa “It’s Showtime” stage si Chie para sa production number sa “Showtime Sexy Babe” kung saan isa siya sa mga hurado.
Related Chika:
Chie Filomeno tumigil sa pagsasayaw matapos ma-bash dahil sa viral video
Chie Filomeno mine-message na ni Kyle bago pa sila pumasok sa ‘PBB’