DLSU tinisod ang UST, nakapuwersa ng playoffs
Mga Laro sa Miyerkules
(Araneta Coliseum)
2 p.m. UE vs UP
4 p.m. Ateneo vs UST
Team Standings: NU (10-4); FEU (10-4); DLSU (10-4); UST (7-6); Ateneo (7-6); UE (6-7); Adamson (4-10); UP (0-13)
NAGWAGI ang De La Salle University kontra University of Santo Tomas, 69-64, para makapuwersa ng playoff para sa ikalawang puwesto ng 76th UAAP men’s basketball tournament kagabi sa Mall of Asia Arena sa Pasay City.
Sina Jeron Teng, Norbert Torres, Almond Vosotros at Jason Perkins ang mga nagtrabaho nang husto sa second half para makumpleto ng Green Archers ang 7-0 sweep sa second round at makasalo sa unang puwesto ang National University at Far Eastern University na pawang may 10-4 baraha sa pagtatapos ng elim.
Awtomatikong nakuha naman ng NU ang No. 1 spot bunga ng mas mataas na quotient habang pag-lalabanan ng FEU at La Salle ang No. 2 spot.
Ang nangungunang dalawang koponan sa elims ay magkakaroon ng twice-to-beat advantage sa Final Four. Ang huling semifinals berth naman ay paglalabanan ng UST (7-6) at Ateneo (7-6) sa Miyerkules.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.