Jake Ejercito, Paulo Avelino at Janine Gutierrez
MAS naging makabuluhan pa para sa Kapamilya actor at celebrity daddy na si Jake Ejercito ang pagse-celebrate niya ng Pasko at Bagong Taon.
Bukod sa kanyang pamilya, nakasama rin ng binatang ama ang anak nila ni Andi Eigenmann na si Ellie last Christmas dahil nga sa Manila rin nagdiwang ng holiday season ang aktres at ang tatlong anak.
Nagpasya si Andi na manatili muna sila sa Maynila habang inaayos pa ng kanyang fiancé na si Philmar Alipayo ang nasira nilang tahanan sa Siargao matapos manalasa sa isla ang super typhoon Odette.
Sa nakaraang “Marry Me, Marry You Finale” online mediacon nitong nagdaang Jan. 4, kinumusta ng press kung paano niya ipinagdiwang ang Pasko at New Year.
“I think just like everyone else, we had an intimate Christmas and New Year with the family.
“And I guess yung pagkakaiba rin, I made sure to donate and tumulong sa donation drives sa mga naapektuhan ng typhoon Odette,” kuwento pa ni Jake.
Samantala, abot-langit naman ang pasasalamat ni Jake sa lahat ng pumupuri sa akting niya sa hit Kapamilya primetime series na “Marry Me, Marry You”.
Tumatak sa mga manonood ang breakdown scene niya sa serye na pinagbibidahan din nina Paulo Avelino at Janine Gutierrez. Pero knows n’yo ba na hindi naman daw siya masyadong nahirapan sa eksenang yun?
“Okay naman. Hindi naman naging mahirap kasi supportive naman lahat. I think ang kasama ko du’n si Iana (Bernardez). It was very easy and I’m very thankful for the support that we had on the set,” chika ni Jake.
Super proud daw siya sa una niyang romcom series niya, “Five years from now, I’ll be proud of it. Still grateful na ito yung unang teleserye ko. We won’t be able emphasize it enough na naging family talaga kami dito.
“I think obvious naman sa screen na we were really a tight knit group. We gelled well and yung samahan talaga iba yung energy, iba yung camaraderie. And we always had fun on and off the set,” lahad pa ng aktor.
Napapanood ang “Marry Me Marry You: Merrily Ever After?” every weeknights 8:40 p.m. sa Kapamilya Channel, Kapamilya Online Live, A2Z Channel 11, TV5, and Jeepney TV.
Jake masaya sa co-parenting setup nila ni Andi: Nakikita ko kay Ellie na hindi na siya nahihirapan…
Jake nabiktima rin ng pambu-bully sa school: Kaya sanay na ako sa mga basher