Madam Inutz at Chie Filomeno
“BAKIT nasabi mo na puro ganda lang ang ambag ko sa bahay ni Kuya?”
Ito ang diretsahang tanong ng Kapamilya sexy star na si Chie Filomeno sa viral online seller at celebrity housemate na si Madam Inutz.
Sumabak ang limang natitirang housemates ng celebrity edition ng “Pinoy Big Brother: Kumunity Season 10” sa “Final 5 Tell All” challenge at dito nga sinagot ni Madam Inutz ang maiinit na tanong sa kanya.
Sa isang bahagi ng challenge, tinanong ni Chie Filomeno tungkol sa naging pahayag ni Madam Inutz laban sa kanya sa isang Big Brother nomination night.
Hirit ni Chie, “Madam, magkasama tayo araw-araw. Gusto ko lang malaman, bakit nasabi mo na puro ganda lang ang ambag ko sa bahay ni Kuya?
“Alam natin na I gave my all sa mga tasks. May time na ipinanalo namin ni Eian (Rances) ‘yung task na ‘yun kahit puro ka, ‘Mamaya na ‘yan, madali lang yan.’
“Alam ko na isa ka sa dahilan kung bakit tayo na-rattle sa task na ‘yun. So saan nanggagaling na ganda lang ang ambag ko?” tanong ng dalaga.
Ayon kay Madam Inutz, “That time Chie as in nasa akin pa ‘yung gulat moment. Hindi ko talaga alam kung sino yung ibo-vote ko.
“Sa ganda, kaseksihan, kumbaga lahat ng magiging offer sa labas ng bahay ni kuya ay nasa inyo na kaya sinabi ko si Chie kasi na ganda lang ang ambag niya.
“At alam kong magiging maganda ang buhay niya sa labas. Kumbaga kami, ano lang naman ako, di ba? Hindi naman ako ganoon kaganda. Hindi naman ako ganoon ka-sexy lalung-lalo na ‘yung edad ko,” depensa ni Madam Inutz.
Dagdag pa niyang paliwanag, “Ikaw ‘yung ibinoto ko noon dahil nga ang nakikita ko lang ay ‘yung puro pagme-makeup mo honestly, tapos ‘yung puro paganda lang talaga.
“Siyempre wala na akong masabi, eh, kumbaga kung nasa loob tayo ng confession alam mo rin sa sarili mo na minsan nawawala tayo sa sarili,” sabi pa ng online seller.
https://bandera.inquirer.net/299497/chie-filomeno-walang-galit-kay-madam-inutz-shes-still-one-of-my-big-4
https://bandera.inquirer.net/299919/chie-filomeno-tumigil-sa-pagsasayaw-matapos-ma-bash-dahil-sa-viral-video
https://bandera.inquirer.net/299314/brenda-mage-kay-alexa-wala-siyang-silbi-ganda-lang-talaga-panay-lamon-pa