INIHAHANDA na ng mga otoridad ang mga kaukulang kaso laban kay Gwyneth Anne Chua, ang tinaguriang “Poblacion Girl” na tumakas mula sa isang quarantine hotel sa Makati City.
Ayon sa Department of Health at Bureau of Quarantine maaaring sampahan ng criminal at administrative cases si Chua dahil sa paglabag sa safety at health protocols na ipinatutupad ng gobyerno.
Ito’y matapos ngang kumpirmahin ng Department of Tourism na umalis nga ang returning overseas Filipino mula sa Berjaya Hotel sa Makati City noong Dec. 23 kung saan siya naka-quarantine.
Sinabi sa report na kumain sa labas si Chua at nakipag-party sa mga kaibigan sa isang bar sa Poblacion, Makati. Nang magpa-swab test, nag-positive nga siya sa COVID-19.
Sabi naman ni Cabinet Secretary Karlo Nograles, “Talagang ipo-prosecute namin ‘yan. Hindi natin tatantanan ‘yan. I’m sorry, this is a public health emergency, we cannot just let this go.
“Importante talaga that everybody follows the law and the laws are there for everyone’s protection and safety. Let’s not think that we can get away with it dahil hindi talaga. Hindi ‘yan mangyayari,” sabi ng opisyal.
Samantala, naglabas na rin ng pahayag ang dalawang business establishment na pinerwisyo ni Poblacion Girl na napilitang magsara muna dahil sa insidente.
Sa isang interview, sinabi ni Interior Sec. Eduardo Año na 15 katao agad ang nahawahan ni Chua at kasalukuyan nang inaalam kung Omicron variant ng COVID-19 ang tumama sa tinawag na super spreader.
Binanggit ng opisyal ang restaurant at bar na pinuntahan ni Chua, ito ang Mijo Comfort Food at Kampai Bar.
Narito ang official statement ng Mijo na inilabas nito kahapon, Dec. 31, 2021, “It has come to our attention that a person of interest tested positive and came into contact last December 23, 2021.
“We have done the necessary steps to monitor our staff for symptoms and facilitated COVID testing. Fortunately, our fully-vaccinated staff have all tested negative.
“Rest assured that the restaurant has been sanitized. More importantly, we are making sure that all who may have come in contact with the person of interest be informed as soon as possible.”
Ayon naman sa management ng Kampai bar, napilitan din silang magsara kaya walang trabaho ngayon ang mga empleyado at staff ng bar.
“It is unfortunate that this transpired in our premises, and has resulted in compromising the health and safety of our customers and staff. A number of our patrons and staff contracted the virus and are now in quarantine because of the situation.
“Before she was allowed entry, she showed proof of vaccination, filled out a health declaration form, and had her temperature taken. She was allowed to come in since the group she was with had a reservation with us.
“We had absolutely no idea that she came from abroad and was supposed to be under strict isolation in an approved quarantine facility.
“We are disappointed and share the same sentiments of most people about the decisions and actions taken by this individual, who has now compromised the health and well-being of our customers and staff,” sabi pa sa statement.
Kahapon din naglabasan sa social media ang mga litrato ni Chua habang puma-party kasama ang kanyang mga kaibigan. At sa 16 daw na nakasalamuha ni Poblacion Girl, walo raw ang nahawa ng COVID-19.
https://bandera.inquirer.net/301836/poblacion-girl-na-nakipag-party-at-lumabag-sa-quarantine-protocols-sunog-na-sunog-sa-netizens