NASAID pala nang todo, as in zero balance ang isang aktres noong kalagitnaan ng COVID-19 pandemic kaya napilitan na itong magbenta ng ilan niyang gamit para makatawid sa mga gastusin.
Tumutulong din kasi siya sa pamilya niya kaya isa rin ito sa ikinaka-stress niya noon bukod pa sa wala siyang offers dahil nga sa pandemya.
May mga kaibigan siyang nagbibigay ng ayuda sa kanya at kahit nahihiya ay tinatanggap na rin niya kesa magutom siya at pamilya niya.
Kaya pumutok ang balitang nasaid siya nang husto ay dahil narinig ng kasama sa bahay ng isa sa personalidad na tumulong sa aktres.
Awa raw kasi ang naramdaman ng kasama sa bahay na hindi niya sukat akalain na kilala ang aktres pero bakit ganu’n ang sitwasyon niya ngayon.
Kaya naihambing pa ng kasama sa bahay ng personalidad ang sarili sa aktres na naghirap dahil hindi ito naranasan ng una at higit sa lahat may konting ipon siya kahit hindi siya sikat.
Going back sa kilalang aktres, ngayong puwede nang mag-shoot o mag-taping ay sinuwerteng nakasama siya sa ilang projects.
Kaya abut-abot ang pasasalamat ng aktres dahil sa mga blessings ngayon sa kanya at nag-iipon na rin daw siya at hind na maluho ang pamumuhay dahil kung saan-saan na lang siya kumakain kasama ang boyfriend niya.
Sa kasalukuyan ay may movie project din ang aktres na hinahanapan pa ng magandang playdate ng producer.
By the way, medyo unfair din talaga ang buhay dahil may kuwento na nakarating sa amin tungkol sa aktres.
Nagkasalubong pala ang aktres at ang kasama sa bahay ng personalidad na tumulong sa kanya sa isang mall pero hindi na siya kilala kahit nagkatitigan at nagkasabay mag-grocery.