HANGGANG ngayon ay hindi pa rin tinatantanan ang Miss Universe PH 2020 Rabiya Mateo matapos itong madapa sa kaniyang final walk noong Miss Universe PH 2021 coronation night.
Graceful pa rin naman ang dalaga at with poise na tumayo matapos ang pagkakadapa.
“Once you [fall], you have to stand up,” saad nito sa coronation night.
Sinundan pa niya ito ng Instagram story niya na at sinabing “Don’t worry, guys. I’m okay.”
Agad namang nag-trending ang kaniyang pagkakadapa at kung anu-anong memes na ang kumalat na may kaugnayan sa trending na Netflix series na “Squid Game”.
Natatawa at naaaliw si Ibyang sa mga memes na kumakalat. Sa katunayan ay Ibinahagi pa ng beauty queen ang ilan sa mga ito sa kaniyang Instagram account.
At mukhang napanood na rin ni Rabiya ang trending series dahil sa isang IG story niya ay hinahanap niya ang kaniyang “Ali”.
Suportado naman siya ng kaibigan at kapwa beauty queen na si MJ Lastimosa.
Sa isang IG story ni MJ, ipinost nito ang litrato ni Rabiya matapos ang pagkakadapa at may nakalagay na “Bangon everyday! Labyu @rabiyamateo”
Ni-repost naman ito ni Ibyang at sinabing “Echusera. Narinig kita tumawa ng nadap ako ehh!”
May IG story rin si MJ ng meme ni Rabiya na may caption na, “Ibyang 1st game palang eliminated ka na!”
Nirepost ito ni Rabiya at inaming wala raw talaga siyang balance at coordination.
Masasabing isa si MJ Lastimosa sa pinakamalapit na kaibigan ni Rabiya. Isa rin si MJ sa todo suporta sa dalaga noong nirepresenta nito ang Pilipinas sa nagdaang Miss Universe 2020.