Ano’ng meron sina Beyonce at Heart na gustung-gusto ni Kyline Alcantara?

Heart Evangelista, Beyonce, at Kyline Alcantara

SINA Beyonce at Heart Evangelista ang itinuturing na “greatest beauty inspiration” ng Kapuso singer-actress na si Kyline Alcantara.

Paliwanag ng versatile youngstar ng GMA, bukod sa talent at pagiging humble sa kabila ng kasikatan, bilib din siya sa pagiging totoong tao ng mga ito base na rin sa mga sinasabi ng mga taong nakapaligid sa kanila.

“Why Beyonce and Ate Heart? Kasi ipinapakita nila ‘yung totoong sila. And ipinapakita nila and ini-i-spread nila ‘yung message nila na kapag gusto mo talagang maging maganda ka sa harap ng ibang tao, it really needs to come from within,” ang pahayag ni Kyline sa panayam ng GMA.

Kasama si Kyline sa cast ng “I Left My Heart in Sorsogon” na pinagbibidahan nina Heart, Richard Yap at Paolo Contis kaya naman personal niyang naranasan ang kabaitan at sinseridad ng misis ni Chiz Escudero.

“Si Ate Heart ang nagsabi sa akin na, ‘Just be you. Don’t try to be someone else. Don’t copy someone else because God created you that way.’ So, just be you.’

“Then ‘yung second, when it comes to my outfits, be classy as much as possible. Kasi ‘yun daw po ‘yung nakikita niya sa akin.

“And mag-style ka nang nakadepende ka sa mood mo nung araw na ‘yon, kasi of course, you don’t want to be boring, wearing the same style every single day,” aniya pa.

Ngunit ayon sa dalaga, hindi raw talaga sila masyadong nagchichikahan ni Heart tungkol sa fashion o beauty.

“Sinabi niya sa akin okay naman daw ‘yung feed ko. Okay naman daw ‘yung style ko. Honestly, wala masyado sa fashion (pinag-uusapan) kaming dalawa ni Ate Heart eh. More of life lessons, more of relationships and all that.

“She’s guiding me. Kasi marami rin naman po siyang napagdaanan sa career niya. Mostly ‘yon, sa fashion, hindi masyado,” lahad pa ni Kyline.