2020-2021 Bar Exams inilipat na sa 2022

MULING walang magaganap na Bar Examinations ngayon taon.

Naglabas na ng abiso si Supreme Court Associate Justice Marvic Leonen, ang chairperson ng 2020 /21 Bar Examinations, para sa paglipat ng petsa ng eksaminasyon sa mga nais maging abogado.

Ang eksaminasyon ay isasagawa sa Enero 16, 23, at 30, gayundin sa Pebrero 6, sa susunod na taon.

Ayon kay Leonen, ikinunsidera pa rin sa desisyon ang kasalukuyang bantang dala ng COVID-19 gayundin ang payo ng mga eksperto sa Korte Suprema.

Magtutuloy-tuloy din naman aniya ang iba pang mga programa at aktibidad na may kinalaman sa papalapit na Bar Examinations.