Sharon atat na atat nang gumawa ng mas maraming pelikula: Kahit ako na ang mag-produce!
Sharon Cuneta
MAY bago na namang hugot ang nag-iisang Megastar na si Sharon Cuneta tungkol sa kanyang showbiz career.
Matapos ang tinamasang tagumpay ng comeback film niyang “Revirginized” kasama si Marco Gumabao, ibinandera ng OPM at movie icon ang “kagutuman” niyang gumawa pa ng maraming pelikula.
Sa pamamagitan ng kanyang Instagram page, sinabi ni Mega na feeling “restless” at “impatient” siya ngayon pagdating sa kanyang karera sa showbiz.
Aniya, “I am nowadays restless and impatient – because I JUST WANT TO MAKE MOVIE AFTER MOVIE AFTER MOVIE!!! I’m in movie mode now.”
Paliwanag pa ng misis ni Sen. Kiko Pangilinan may mga moments talaga sa kanyang buhay na gustung-gusto niyang magtrabaho at gumawa nang gumawa ng pelikula at may pagkakataon naman na nais niyang mag-focus sa pagiging singer.
Pero sa ngayon, mas gusto niyang mag-focus sa paggawa ng movies, “I have my ‘seasons.’ Sometimes all I want to do is TV. Sometimes all I want to do is sing – make new albums and do concerts.
“Now I am in my movie season and I CANNOT WAIT TO FILM BECAUSE NOT DOING SO IS DRIVING ME UP THE WALLS!!! Kahit ako na magproduce!” mensahe pa ni Shawie at tinag pa ang ilang movie producers at kilalang direktor, pati n ang official account ng Viva Max at Viva Films, Star Cinema managing director Olive Lamasan, Regal Entertainment executive Roselle Monteverde, at Reality Entertainment head Dondon Monteverde.
Ilan sa mga direktor na tinag ni Mega ay sina Joel Lamangan, Joey Reyes, Chito Roño, Chris Martinez, Mark Meily at Darryl Yap.
Mismong si Mega na ang nagsabi na game na game siya sa mga kakaiba at offbeat roles tulad ng karakter niya sa “Revirginized.”
“They were used to seeing me playing wholesome roles that are decent. But after 60 movies. I think I have earned the right to try other roles like this one.
“When you watch the film naman, you’d see na may kalokohan lang sa umpisa, but in the end may tusok siya sa puso. When they told me nga the story, napaluha ako. So I said I will accept the role but I will do it in my own way. I hope my fans will appreciate me for doing something that I don’t usually do,” aniya pa.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.