TULOY-TULOY ang sorpresang handog ni Wilbert Tolentino kina Hipon Girl o Herlene Budol at Madam Inutz o Daisy Lopez sa totoong buhay.
Sa mga nakaraang vlogs nito, sinorpresa ni Wilbert si Hipon Girl ng P100,000 cash matapos mapanood ang emosyonal na interview nito kay Toni Gonzaga.
Samantala, P200,000 cash naman ang hatid nito kay Madam Inutz bilang tulong sa gastusin nito pati na rin sa gamot ng maysakit na ina.
Hindi pa nga dito nagtatapos ang pak na pak na surprises dahil hinamon ng vlogger ang dalawa ng unlimited shopping sa isang mall sa Tagaytay.
At para mas ganahan ang dalawa, magbibigay si Mamshie Wilbert ng additional P10,000 cash sa may pinakamalaking mapapamili.
Unang sumabak sa challenge si Hipon Girl na agad kinuha ang mga gamit na kinakailangan sa kanilang tahanan tulad ng sofa bed, table, kalan, at electric fans.
Bukod rito, pinakyaw rin ng dalaga ang mga deodorants, perfumes, pati make ups.
Dinagdagan pa ng isang minuto ni Mamshie Wilbert ang paghahakot ni Hipon Girl dahil deserve nito ang blessings na natatanggap nito.
Tila hindi pa rin nakakalimutan ng dalaga ang pamilya sa kabila ng mga blessing na natatanggap.
Nang tanungin siya ni Mamshie Wilbert kung bakit marami siyang kinuhang kalan, sinagot ito ng dalaga na para ito sa pamilya ng nanay niya, isa sa kanila ng kaniyang lolo’t lola at isa para sa ama.
Comment ni Madam Inutz sa mga kinuha ni Hipon Girl, “bahay na lang ang kulang, ang daming appliances.”
Habang inaayos lahat ng nahakot ng dalaga, nagbigay naman ito ng tips kay Madam Inutz kung saan at ano pa ang pwedeng kunin nito sa department store.
Bumilib naman ang vlogger nang sabihin ni Hipon Girl na ipamimigay niya sa iba ang ibang napamili.
“Gusto ko ring i-share syempre ‘yung blessing na natatanggap ko galing kay Sir Wil.
“Kasi ganoon naman daw ‘yun, kapag may natatanggap kang blessing, kahit kaunti, dapat thankful ka. Grateful ka sa lahat ng bagay na pumapasok sa buhay mo tapos i-share mo para may pumasok uli sa ‘yo,” paglalahad ng dalaga.
Umabot sa P107,231 ang napamili ni Hipon Girl na saktong-sakto dahil magbi-birthday ito sa August 23.
Sa part 2 naman ng vlog makikita ang unli shopping ni Madam Inutz.
Sino kaya sa dalawa ang mananalo ng additional P10,000? Anyway, deserve naman nila pareho kung sinuman ang manalo.