Eric Santos, Regine at Ogie umawit sa funeral mass ni Noynoy

Inawit ni Eric Santos ang “Our Father” sa Requiem Mass ng yumaong Pangulong Noynoy Aquino sa Church of the Gesu sa Ateneo de Manila University.

Matatandaang siya rin ang umawit nito sa funeral mass ni dating Pangulong Cory Aquino sa Manila Cathedral noong Agosto 2009.

Bilang pagpupugay naman kay Pangulong Noynoy, kinanta ng  celebrity couple na sina Regine Velasquez at Ogie Alcasid ang “Hindi Ka Nag-Iisa,” na una nilang inawit bilang campaign ad noong tumakbo si Noynoy bilang pangulo noong 2010.