HOT topic ngayon sa social media ang bonggang transformation ng internet sensation na si Ericka Camata na mas kilala bilang si Miss Everything.
Sumikat si Miss Everything dahil sa kaniyang “low budget” videos dahil sa sarili niyang lyrics at mali-maling English na sinasabi niya sa mga viral songs sa app na TikTok.
Tinawag siyang Miss Everything dahil sa viral video niya kung saan sumikat ang dialogue niyang, “Hi Everything, how are you to find out?”
Sa Facebook page ng skincare clinic na Toledo Medical Company ipinakita ang bonggang transformation ni Miss Everything. Nabanggit dito kung anu-anong cosmetic procedure ang ginawa sa kanya, “Glow Up for Ms. Everything. Dr. Toledo polished yet preserved the natural look as Ms. Everything portrays comedy roles in her blogs.”
Ang ilan sa cosmetic enhancements na ginawa kay Miss Everything ay ang Facial harmony by volume correction, Barbie Forehead, Almond Eyes, Chin Augmentation, Cheek Augmentation, Perfect Jaw Angle, Lip reduction at Rhinoplasty with Sailboat Alar Plasty.
May ilang nam-bash sa sikat na vlogger pero mas marami pa rin ang humanga at pumuri sa kanyang bagong itsura. Ginaya pa nga ng ilang netizens sa kanilang comments ang style niya sa pagsasalita.
“I’d like to congratulationize you Ms. Everything for reachining the looks you have never been before.. Stay your feet on grounded floor,” chika ng isang netizen.
Sey naman ng isa pa, “You look stunning in your new transformer, Ms. Everything! Bumblebee and the rest of transformers club are so happily for u!!!”
Sey naman ng isa niyang fan, “Konti lang naman ang nabago she’s pretty naman talaga. Pinalabas lang talaga yung ganda niya with some enhancements and transformer!”