Kathryn super successful na sa edad 25; planong b-day celebration ‘di natupad, pero…
SA edad na 25, maituturing nang isa sa pinaka-successful na youngstar ngayon sa local entertainment industry si Kathryn Bernardo.
Nitong nagdaang Biyernes, nag-celebrate ng kanyang 25th birthday ang tinaguriang Queen of Hearts ngunit walang naganap na bonggang selebrasyon dahil na rin sa patuloy na banta ng pandemya.
Sa pamamagitan ng Instagram, nag-post ng birthday message si Kathryn kasabay ng pagpapasalamat sa lahat ng bumati at nakaalala sa kanyang kaarawan.
“Another year. Another birthday. Another reason to be thankful,” simulang pagbabahagi ng girlfriend ni Daniel Padilla sa caption.
Aniya pa, may plano na raw talaga siya para sa kanyang 25th birthday pero hindi nga ito natuloy dahil sa patuloy na health crisis sa bansa. Ngunit naging espesyal pa rin ang selebrasyon dahil sa naramdamang pagmamahal at suporta mula sa kanyang mga fans at kaibigan sa loob at labas ng showbiz.
Pahayag pa ng Box-office Queen, “This wasn’t how I initially intended to celebrate turning 25. But even though things didn’t go as planned, my heart is full reading all your birthday wishes and warm greetings.
“Thank you for all your birthday messages,” aniya pa.
Nagbigay rin ng mensahe ang nanay ni Kathryn na si Min Bernardo para sa kanyang kaarawan sa pamamagitan ng Instagram.
“Happy birthday anak! As parent, I’m very proud you have turned out to be such an intelligent and caring person,” sabi ni Mommy Min.
Hindi rin nakalimot na bumati si Dimples Romana sa kanyan “baby sister”, “Your beautiful soul and heart of gold are just a few of my most fave things about you!
“I can’t wait to eat ng nakakamay at magchikahan about everything and anything under the sun with you! Til then, please celebrate with your fam!
“And we’ll make sure we too have a celebration when everything is safe na again. Love you!!! Always here for you!” mensahe pa ni Dimples na nakasama ni Kathryn noon sa remake ng “Mara Clara” noong 2010.
Ang iba pang bumati kay Kath ay sina Karla Estrada, Erich Gonzalez, Ria Atayde, Liza Soberano, Ruffa Gutierrez, Melai Cantiveros, Loisa Andalio, Aiko Melendez, Sarah Lahbati, Arlene Muhlach, Raymond Gutierrez, Tim Yap, Alora Sasam at marami pang iba.
Trending din last Friday ang mga hashtag na #HAPPY BIRTHDAY QUEEN at #KathrynXXV na ginamit ng KathNiel fans sa Twitter.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.