NABIKTIMA na rin pala ng Akyat-Bahay Gang ang Pinoy Big Brother: Unlimited (2012) Big Winner na si Slater Young.
Ibinahagi ng actor-vlogger ay businessman ang naging karanasan niya at ng kanyang pamilya nang pagnakawan ang bahay nila ilang taon na ang nakararaan.
Sa bagong vlog entry ni Slater sa YouTube, nag-share siya ng ilang tips kung paano masisigurong safe ang ating mga bahay sa pamamagitan ng iba’t ibang security device.
Aniya, naisipan niyang gumawa ng “safety tips” vlog para mabigyan ng kaalaman ang madlang pipol kung paano maiiwasan ang nakawan sa bahay.
“We talk about home security and how we prevent home invasions from happening again.
“About four or five years ago, pinasok ‘yung bahay namin ng magnanakaw. This was still in my parents’ house when I was living there.
“I was there at that time but pumasok siya sa room ng brothers ko, ng dad ko, ng sister ko, ng aunty ko who was staying with us,” kuwento ng dating “PBB” housemate.
“Kinuha niya lahat ng mga gamit na nasa side table, mga laptops, mga relo — everything. He just stopped because my sister woke up and nag-eye-to-eye (contact) siya when he was trying to reach the purse on the table. Bigla siyang tumakbo,” pagbabahagi pa ng aktor.
Nalaman pa nila pagkatapos mapanood ang CCTV footage ng pagnanakaw, na meron palang bitbit na baril ang magnanakaw. Mabuti na lang daw at hindi ito nagpaputok nang pasukin ang bahay nila.
“When we reviewed the CCTV footage, nakita namin na may baril siya. He had a flashlight in his mouth. And he was in our house for about two or three hours.
“So nakakatakot talaga. And after that, natrauma talaga kami. I had a few restless nights after that. And I’m sure my family members felt the same also,” sabi pa ni Slater.
Inisa-isa naman niya sa kanyang YouTube video ang ilang security gadgets na maaaring magamit para maiwasan ang nakawan. Itinuro rin niya ang basic information sa pagkakabit ng mga home security devices.
“I really feel safe at home with all these things that we have placed around our house and we can sleep soundly at night. Dapat kasi we always feel safe in our own home, ‘di ba?” sabi pa ni Slater Young.