Nabuntis daw ni Nash Aguas ang girlfriend nitong si Mika Dela Cruz, ayon sa isang YouTube vlogger.
Pero eto ang sagot ni Nash: “What the F!”
Natawa na lamang ang aktor kung paanong ang simpleng Instagram post niya na kandong si Mika ay nagawan ng kwento ng vlogger.
“Sinend sakin ng tropa yung link HAHAHA MAGINGAT PO KAYO SA FAKE NEWS bye socmed na ulit HAHA,” wika pa ng aktor.
Ayon sa vlogger, ang dalawa ay nagpaplano nang magpakasal sa 2022 at umaasa sa isang malusog at ligtas na pagbubuntis.
Sinabi ni Nash na maaaring nagsimula ang kwento sa post niya na photo noong Lunes kung saan si Mika ay makikitang nakasuot ng puting damit habang nakakandong kay Nash.
“Mukhang nakapambinyag si Mika so sabi ko sa caption, ‘Imbitado po kayong lahat sa binyag ng aking anak na si Mika dela Cruz.’ Kasi mukha siyang bibinyagan e,” wika pa ni Nash.
Hindi niya inaasahan na seseryosohin ng iba ang kanya joke.
“Kaninang umaga ko iyon pinost ah. So, ayon sa YouTube, buntis na si Mika!” ani Nash.