Chris Evans posibleng lumipad papuntang Pinas
US actor Chris Evans (AFP)
May posibilidad na pumunta sa Pilipinas ang sikat na Hollywood actor na si Chris Evans na kilala bilang si Captain America sa Avenger movie series.
Ito ay matapos na gawin siyang bagong brand ambassador ng Smart telecommunications sa Pilipinas.
Kaya naman maraming natuwang Pinoy sa online ad ni Chris sa posibilidad na dumalaw sa bansa ang guwapong aktor para mag-promote.
Sa panayam kay Chris ay natanong siya kung paano siya napa-oo bilang brand ambassador ng Smart.
“Well I’ve always liked the idea of working with a company in the Philippines. It’s a great part of the world and Smart felt like a very forward-thinking company so it felt like a good fit,”sabi nito.
At sakaling dumalaw si Chris sa Pilipinas, sa Amanpulo siya dadalhin. Ang luxury Palawan island resort na ito ay paboritong pasyalan ng ibang Hollywood stars kapag palihim silang bumibisita sa Pilipinas tulad nina Tom Cruise, Robert de Niro, Beyonce, Brand Pitt, Mariah Carey, at isama pa ang Microsoft founder na si Bill Gates.
“Hopefully, when travel restrictions are lifted and it’s safe for him to travel, he’d love to come to the country and visit us,” sabi ni Smart president at CEO Alfredo Panlilio.
Na-excite naman si Chris sa imbitasyon sa kanya.
“Well I would say that I can’t wait to get out there. I can’t wait to visit. I have heard nothing but amazing things and this partnership only makes me more excited to come and say hi,” wika pa niya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.