IN FAIRNESS, may kakaibang magic at kilig din ang bagong Kapuso loveteam na sina Joaquin “JD” Domagoso at Cassy Legaspi.
Ramdam na ramdam namin yan nang humarap ang dalawang bagets sa ilang members ng entertainment media para sa virtual presscon ng upcoming romcom series ng GMA 7 na “First Yaya.”
Pareho silang maituturing na showbiz royalty dahil si Joaquin ay anak ni dating matinee idol at Manila Mayor Isko Moreno habang si Cassy naman ay anak nina Carmina Villarroel at Zoren Legaspi.
Ayon kina Cassy at JD, hindi naging mahirap para sa kanila ang ilang pakilig scenes nila sa “First Yaya” dahil bukod sa magkaibigan sila sa tunay na buhay ay talagang feel na feel nila ang mga nasabing eksena bilang sina Nina at Jonas.
“We were already paired since Studio 7 and then All-Out Sundays pero sayaw-sayaw lang ‘yun and all,” simulang sagot ni Cassy nang tanungin kung kumusta ang unang pagsabak nila ni JD as loveteam.
“But even sa rehearsals people kept on saying, ‘Ay may chemistry ‘tong dalawa,’ and they always tease us and for some reason I get kilig because…di ko alam kung bakit.
“May lines, may emotion, may ganoon and I think I’m sure makikita n’yo ‘to but when we get kilig it’s real,” masayang kuwento ng dalaga.
Dagdag pa ng kakambal ni Mavy habang bumubungisngis na parang si Carmina, “May isang scene na oh my gosh we were super kilig pag-cut. Pag-cut, sabi ko I need a break, asan ‘yung tubig ko I can’t. Ha-hahaha!”
Sa katunayan, ang unang eksenang ginawa nila para sa serye ay pakilig agad dahil kailangan nilang mag-face-to-face agad, at nagawa naman daw nila nang bonggang-bongga ang hinihingi ng kanilang direktor.
“Na-feel ko talaga ‘yung chemistry, ‘yung kilig, parang we really looked into each other’s eyes tapos lahat ng crew you can hear them from the back, ‘di ba?
“Tapos na-realize ko, wow this is Nina and Jonas na feel ko na this is Nina possibly falling for Jonas na parang ‘yung ganoon,” chika pa ng dalaga.
Samantala, natanong din ang magka-loveteam kung nakikita ba nila ang kanilang mga sarili na magtatagal talaga sa showbiz bilang mga artista.
Sagot ni Joaquin, “Ako, some part of me wants to pursue directing. Pero I don’t know pa, kasi I don’t know. I’m still a kid.
“I’m still at that age in my life where I’m still deciding what path I should take,” aniya pa kasabay ng pagsasabing plano talaga niyang magnegosyo in the future kaya siya kumuha ng kursong Business Entrepreneurship (second year college na siya).
Para naman kay Cassy, pang-long-term daw ang pagpasok niya sa mundo ng showbiz, “I think kasi, growing up, show business life has always been there, as in. Nandiyan lang siya.
“But recently, I think last year, my family and I were watching our interviews in the past.
“One of the questions was, ‘Cassy, what would you want to be when you grow up?’ ‘Tapos sabi ko, ‘I want to be an actress.’ I want to be an actress since before.
“And ayun, with Artist Center, I wanna be an artista, gusto ko ito.
“Once First Yaya started, once this lock-in taping started, I wanted to be an artista even more. Nae-enjoy ko yung pagod, yung everything about it. I super love it.
“I think I can see myself doing this for a long time, like, a very, very long time. Excited ako for this journey,” ang paliwanag pa ng dalagang anak nina Zoren at Carmina.