2,100 na pasahero stranded dahil sa Bagyong Auring

Aabot sa 2,100 na pasahero ang stranded ngayon sa iba’t ibang pantalan sa Visayas at Mindanao dahil sa patuloy na pananalasa ng Bagyong Auring.

Ayon sa ulat ng Philippine Coast Guard, 30 vessels, isang motorbanca at 776 rolling cargoes ang stranded ngayon sa mga pantalan ng Northern Mindanao region, North Eastern Mindanao, Eastern Visayas at Central Visayas.

Pinagbawalan ng PCG ang mga sasakyang pandagat na maglayag dahil sa malalakas na alon dulot ng bagyo.

Nakataas ngayon ang signal number 1 sa ilang lugar sa Visayas at Mindanao region.